ای خدای قادروبنده نواز #مناجات_رمضانی_خاکی

مناجات
–
✍️ زبدة الاشعار ✍️

?: @nohe_torki
–
روح الله رمضانی
–
ای خدای قادروبنده نواز
گلمیشم درگاهیوه ای چاره ساز
–
رسمیدی یارب گلر اهل نیاز
درگه احسانه با سوزوگداز
–
دامنیم گرد گنه آلوده سی
باشیمه سایه سالوب غم توده سی
–
بخششه خاطربولوط تک دولموشام
بد عمللردن پشیمان اولموشام
–
بارها توبه ایدوب سیندیرمیشام
رشته ی عهدی مکرر قیرمیشام
–
باتمیشام بحرخطا و جرمه من
هی چکوبسن عیبیم اوسته پرده سن
–
نمره سیز پروندَمی سن بوکمَدون
آبرومی مردم ایچره توکمَدون
–
هرنه گوزگوردی اورکده ایسته دی
گوزلره قلبیم نیه وابسته دی
–
نفس اماره آپاردی کج یولا
چکدی هی صولدان ساقا ساقدان صولا
–
توتموشام راهیله چاهی اشتباه
ایتمیشم عمری بو دنیاده تباه
–
ایتمدیم اجرا سنون فرمانوی
تاخچامیزدا توزباسوب قرآنوی
–
عامل اولمادیم، چاتام پاداشینه
بیرفقط دوتدوم مسافرباشینه
–
ایتمه غیبت سن دیدون، من ایلدیم
دینی قارداشین اتین هی چیندیم(1)
–
ایتمیشم خلوتده ازبسکی گناه
صفحه قلبیم اولوب یارب سیاه
–
رحم ایله قلبی شکسته گلمیشم
معصیتدن زار و خسته گلمیشم
–
واقفم بخشنده سن، سن ای اله
قیل بوعبد عاصیه بیرده نگاه
–
هرنه اولسامدا سنه من بندیم
هریره گتسم سنون مُلکوندیم
–
جان سنوندی قان سنون پیکرسنون
بو جهاندا وار نه خشک و تر سنون
–
لطفوون پیمانه سین سرشارایله
رحمویلن حشریده رفتار ایله
–
عدلویلن ایلسون رفتاراگر
یاندیرار دوزخده “خاکی” نی شرر
ــــ
(1) يا أَيُّهَا الَّذينَ آمَنُوا اجْتَنِبُوا كَثيراً مِنَ الظَّنِّ إِنَّ بَعْضَ الظَّنِّ إِثْمٌ وَ لا تَجَسَّسُوا وَ لا يَغْتَبْ بَعْضُكُمْ بَعْضاً أَ يُحِبُّ أَحَدُكُمْ أَنْ يَأْكُلَ لَحْمَ أَخيهِ مَيْتاً فَكَرِهْتُمُوهُ وَ اتَّقُوا اللَّهَ إِنَّ اللَّهَ تَوَّابٌ رَحيمٌ
( سوره حجرات،آيه 12 )
اى كسانى كه ايمان آورده‏ايد! از بسيارى از گمان ها بپرهيزيد، چرا كه بعضى از گمان ها گناه است و هرگز (در كار ديگران) تجسّس نكنيد و هيچ يك از شما ديگرى را غيبت نكند، آيا كسى از شما دوست دارد كه گوشت برادر مرده خود را بخورد؟! (به يقين) همه شما از اين امر كراهت داريد تقواى الهى پيشه كنيد كه خداوند توبه ‏پذير و مهربان است.
–

#مناجات
#ای_خدای_قادر_و_بنده_نواز
#رمضانی_خاکی
#ترکی
–
✍️ #زبدةالاشعار ✍️
?: @nohe_torki