ای خراسان شهرینه زینت سلام اولسون سنه #رضویه_دلکش_زنجانی

مدح حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
مرحوم احمد رمضانی ( دلکش زنجانی )
.
ای خراسان شهرینه زینت سلام اولسون سنه
مظهری ذات اولوهیّت سلام اولسون سنه
.
روز میلادینده وار بیر افتخار باصفا
جنت الاعلاده یوخدور بیر بِله عالی صفا
جعفری مذهبلره الله سنی ایلوب عطا
ای عطای ذات با عزت سلام اولسون سنه
.
.
عالم امکاندا سنسن پر وجود محترم
دین حقّین باره سینده ثابت و ثابت قدم
مظهر پاکینده وار فوج ملائکدن خدم
ائتمیسن اسلامه چوخ خدمت سلام اولسون سنه
.
.
حکمتیله خلق اولوبسان عالم خلقتده تک
چونکه سنسن هر زمان معیار ایمانه محک
باش قویار درگاهوه هر ساکنان نه فلک
معدن علم عبودیّت سلام اولسون سنه
.
.
وارث پیغمبر خاتمسن ای میر هدا
شکّ و شرک و ریبدن مخلوقی ایلرسن رها
امّتِ خیرالورایه رهنماسن رهنما
رهنمای راه حریّت سلام اولسون سنه
.
.
بیر توجه ایلیوب پروردگار کارساز
تا یتوب سیز اهلبیته وصفه گلمز امتیاز
قدریزی بیلمز سیزون هر بوالهوس اهل مجاز
کان عزت صاحب رفعت سلام اولسون سنه
.
.
ای سخی مولا که سنسن دین حقّین پایه سی
هر ایکی دنیاده عالی رتبه نین سرمایه سی
شأنیزه نازل اولوب قرآندا تطهیر آیه سی
ای وجودی طیّب و اطیب سلام اولسون سنه
.
.
سنسن الله کریمون سگّیزیمجی حجّتی
سنده دور ایمان کامل قدرنون کیفیّتی
هر کلامین هر بیانین هر سوزون وار حکمتی
معدن شخصیت و حکمت سلام اولسون سنه
.
.
#رضویه_مدح
#ای_خراسان_شهرینه_زینت_سلام_اولسون_سنه
#رضویه_دلکش_زنجانی
#ترکی
.
✍️ #زبدةالاشعار ✍️
.
🆔: @nohe_torki