زبدةالاشعار

بو گجه لطف خدادن بو جهان پر نور اولوب #باقریه_عدلی_تبریزی

مدح و میلادیه حضرت امام محمد باقر (ع)
.
✍️ زبدة الاشعار ✍️
.
🆔: @nohe_torki
.
حاج اصغرفرشچی(عدلی تبریزی)
.
بو گجه لطف خدادن بو جهان پر نور اولوب
بیر بالا گلدی جهانه شیعه لر مسرور اولوب
نورونی گورجاق شیاطین غصه دن رنجور اولوب
اختر و شمس و قمردی چشم دشمن کوراولوب
.
سید سجّادین اوغلی باقر فخر زمن
گتدی دنیایه آناسی فاطمه بنت الحسن
.
.
.
روشن ایتدی فخر ساجد منزلین نورخدا
بو تجلّادن اولوبدی بهره مند عرض و سما
گوئیا ماه مُنیردی نور ختم الانبیا
حُسنده مِثل حَسندی خوی و خَلقا‍ مرتضا
.
قامت رعناسی واردی شرمسار سرو و سمن
مثلینی هرگز گورنمز هیچ گلستان هیچ چمن
.
.
.
بوستان احمدیدن شاخه طوبای دین
غنچه گُل آچدی آدی هم نام ختم المرسلین
بو گلوب دنیایه اولسون پیشوای پنجمین
ماهه بنزرصورتی همتای زین العابدین
.
رهنمادوربیز لره بو خسروکون ومکان
گلدی اولسون تا جهانه پادشاه انس وجان
.
.
جدی شاه کربلادی رهبر عالم دی بو
دین و قرآنه بو عامل وارث خاتم دی بو
علمه دارا فضله دارا هم مسیحا دمدی بو
ماجرای کربلایه شاهد اعظم دی بو
.
باقرعلم و فنون و دانش و اهل سخن
مسلمینه پیشوا بعدِ علی فخرِ زمن
.
.
بو امام انس وجاندی لطف ایدوب جان آفرین
بو مؤسس دی آچار دانشگه قرآن و دین
بو کرم دریاسی دور معنی هم حصن حصین
فخرساجدّن صورا گلدی اولا بو جانشین
.
ما هِ برج احمدی سبط رسول مُوتمن
مادری بنت حسندی باب پاکی بوالحسن
.
.
فاطمه بنت حسندن گلدی بیر زیبا پسر
آی رجب دی ویردی دنیایه نقدری زیب و فر
ای دلا چشم حقیقت بینیلن ایتسن نظر
چشمه فیض رجب اولدی هامی کامه شکر
.
گولستان احمدیدن باش ویروب (عدلی) بوگُول
گُول گُولور بُلبُل گُولور پروانه گُولدی سنده گُول
.
.
#باقریه_میلادیه
#بو_گجه_لطف_خدادن_بو_جهان_پر_نور_اولوب
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای خَلق و خُلق و منطقی احمد مثال اوغول #اکبریه_ذهنی_زاده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی