اربعین
.
✍️ زبدة الاشعار ✍️
.
🆔: @nohe_torki
.
کریم نصیری دولت آباد
.
ای دشت کربلا سنه اهل بلا گلور
بیردسته دردمند آلاسندن شفا گلور
.
آزاداولوبدی ظلمودن آزادگان عشق
دیداریاره یار اؤرگینده یارا گلور
.
قولّاردا یوخ طناب آچیلوب باغلی قولّاری
اما اورکلری توتولوب برملا گلور
.
گیدموش گیدنده ظلموله بوغملی کاروان
فکرایتمه ایندی غمدن اولوبدور رهاگلور
.
محملّر اوسته دایر ایدوبلر حسینیه
زینب اوهیئت ایچره دئیور اوخشاما گلور
.
چون آیریلاندا قویمادیلار آغلاماخلیقا
ایندی بوچولده قورماقا بزم عزا گلور
.
قیزلارقوشوب سیزیلتسینی ناقه زنگینه
اما رباب آغلاموری بیصدا گلور
.
بوشدی رقیه نون یری بوکاروانیده
دردی ایدوب ربابی غمه مبتلاگلور
.
یتمش ایکی شهیده توتا اربعین بوگون
زوار اولوب عیال شه لافتی گلور
.
زینب گوزآلتی قیزلاری بیربیرسایورگورور
ایگیرمی اؤچ یتیمیدن اون بیربالاگلور
.
لیلا دیلنده ازبر ایدوب اکبرین آدین
هردم دیور اوغول دور اوغولسوزآناگلور
.
آلما خبر نه گونلره قالدیم گوزل بالا
هجرین ایدوبدی لیلنی مجنون نماگلور
.
چیخ پیشوازه توت الیمی ناقه دن اَنوم
گورسونله لیلینون الین اکبرتوتاگلور
.
قوی داغلی سینم اوستونه قانه باتان باشی
سایسیز یاراوی بیکس آنان باغلیاگلور
.
دور بوسولان عذاره باخ ای مه جمال اوغول
رنگیم ایله سولوب نظره کهرباگلور
.
بیرمحمل اوسته قاسم آناسی فغانیله
گوزلرده اشکی قلبیده آه ونواگلور
.
حسرتله سسلورای گوزومون نوری آچ گوزون
سنسیز بهشت اوغول منه ماتم سراگلور
.
دورآل خبر بومدّتی نه چکموشم دئیوم
گورچکدیقیم بلاومصیبت سانا گلور
.
یولاردانیزه اوسته گورنده باشین دیدیم
آیدی اولا بویولدا منه رهنماگلور
.
هردن دؤشردی گل اوزوه قانلی تللرین
بؤلدوم رقیب اولور منه بادصباگلور
.
دورآل خبراوغولسوزآنان حالنی اوغول
سنسیز اولوبدی قامتی غمدن دوتاگلور
.
بیرآیری ناقه اوسته چخورگویلره فغان
کیمدوربوآغلیان سسی چوخ آشناگلور
.
یارعطرینی آلاندامشامه اوباوفا
سسلیردی به به عطر گل مرتضی گلور
.
کلثومدوربوآغلیان. عباسین عاشقی
الده توتوبدی قانه باتان بیر لوا گلور
.
اوزعلقمه طرف توتوب عباسی سسله دی
که ای باوفاباجون سنه قربان اولاگلور
.
شامه گیدنده قویمدیلارآغلیام سنه
ایندی مزارین اوسته باجون آغلیاگلور
.
شامون مصیبتون سنه واضح دئینمرم
یاده سالاندا باشیمه غمدن هواگلور
.
سن قانیوه باتاندان آزالمیش گوزومده نور
گوندوز گیجه گوزومده همیشه قراگلور
.
پرچم چکلله قبرینه سردار لشکرین
کلثوم قبرین اوستونه پرچم سالاگلور
.
القصه ناقه لردن انوب آل بوتراب
شیون اوجالدی نالیه عرض وسماگلور
.
بیریاحسین دئدی اوجادان دخت مرتضی
گویایراوسته شهپری سینموش هماگلور
.
ششگوشه قبره ساری گلنده اوباوفا
توتموش قولوندان حضرت سجادآقاگلور
.
یدّی قدم قالاندا اؤزون سالدی تپراقا
دوشدی شماریشه نفسی هکذاگلور
.
عرض ایتدی یاحسین باجیوی پیشوازایله
دوربیرسوروش باجین گیدوب هاردان هاراگلور
.
وارالده قانلی تذکٍرم ای قبله گاه عشق
بودردمنددردینه درمان آلاگلور
.
دیل یاره سیله قمچیلرین یورقونی بوگون
ایستوراوپه مزاریوی دینجون آلاگلور
.
ای شاکربلاگوزون آچ سای قوناقلاری
گورشامه یولّانان بالالارجابجاگلور
.
اؤلدی اؤلن قالانلارین آمارینه یتوش
آلماخبر رقیه اؤلوبدورویاگلور
.
ویرانسراده اولدی آجیندان گوزل قیزین
بیکس ربابی سالدی یاناراوتلارا گلور
.
ویرانه ده اوقدرگیجه گوندوزآغلادی
تیزتیزدئیردی عمه هاچان بس باباگلور
.
بیرنصف شب خرابیه گلدی کسوک باشین
دورسسله دیم رقیه شه کربلاگلور
.
قانلی باشین گورنده ایتوردی بیرآزاوزون
گوردوم که خسته جانی دوداقدان چخاگلور
.
اوپدی یارالی لبلریوی سسله دی بابا
سندن همیشمه بوی صفا ووفاگلور
.
عفو ایله منزیلیم سنه لایق دگور اگر
من بؤلمه دیم خرابیه میرهُِداگلور
.
گل سینم اوسته یاره وه مرهم قویوم بیزآز
آچ گوزلرین گوراوندامنه نه قواگلور
.
قویدی دوداق دوداقه سنیله یوموب گوزون
بولدوم بوغمده نالیه خیرالنساگلور
.
الدن منیم قراریمی آلدی خرابه ده
آبادایده خرابه نی قالدی خرابه ده
.
.
#اربعین_کریم_نصیری
#ای_دشت_کربلا_سنه_اهل_بلا_گلور
#ترکی
.
✍️ #زبدةالاشعار ✍️
.
🆔: @nohe_torki
نظر دهید