اربعین
.
✍️ #زبدةالاشعار ✍️
.
🆔: @nohe_torki
.
عیسی ثاقب بخشایش
.
غمه علی قیزی تک کیمسه مبتلا اولماز
بلایه زینب کبری تک آشنا اولماز
.
سووبدی عمرونی درد و ملال و محنتده
بلادن اهل ولا مطلقا جدا اولماز
.
حسین بویاندی سوسوز قانه تا که دین دیریله
که درد دینه بولوب ئوزگه بیر دوا اولماز
.
لوای نهضتینی ویردی زینبیه تحویل
که اوندان ئوزگه بلوب حامل لوا اولماز
.
حسینی ترک ایلدی قتلگاهیده زینب
دیدی بو آیرلقا زینبون رضا اولماز
.
ولی نه چاره ایدوم دست ظلم آیردی منی
که خسته جور و جفادن بو اشقیا اولماز
.
دیار کوفه ده چون خارجی دیوبله اونا
گوروب دانشماسا حق فاش و برملا اولماز
.
او دور که نطقه گلوب وُردی شهره بیر آتش
که کوفه حشره تک اول ناریدن رها اولماز
.
او شهری فتح ایلدی ، گِتدی فتح شاماته
بلوب که ولوله اول شهره سالماسا اولماز
.
یزیدی ای طُلقا زاده سسلدی یعنی
بو دینه سن کیمی بیر پست ، پیشوا اولماز
.
عجب دگل که بیزی قتله ایلوسن تهدید
حرامزاده بشرده بلی حیا اولماز
.
خرابه ده اوتوروب صبر ایدوب مشقّاته
بولوب که دوزمه سه ایمان ایوی بنا اولماز
.
رقیه اولدی فدا تا که شام اولا تسخیر
بلی جهانیده هیچ فتح بی فدا اولماز
.
غنیمت آلدی عدودن ایله غنایم که
بوتون طلا اولا دنیا اونا بها اولماز
.
آلوبدی یوسفینون کوینگین چکوب یوزونه
که چشم عاشقه معشوق سیز ضیا اولماز
.
اونون مجاهده سیندن جهانیان بولدی
که نور حقه سحاب سیه غطا اولماز
.
ئورکده شعله ی هجرانی قلبیده آرام
گوروب حسینه اگر زائر اولماسا اولماز
.
دمشقی ترک ایلدی عشق کربلائیله
دیدی باشمدان اوزاق شوق کربلا اولماز
.
مشامینه یتیشنده شمیم دشت بلا
دیدی جناندا بِلَه عطر جانفزا اولماز
.
یِتَنده طور وصاله او دلشکسته کلیم
سواره گتماقی گوردی که هیچ سزا اولماز
.
نه خلع نعل ، که آز قالدی خلع روح ایتسون
که درکینه بو سوزون عقلیده قوا اولماز
.
ئوزونی هودجین اوستن ترابه سالدی خانم
ترابه دوشمه سه عاشقده ارتقا اولماز
.
دیدی حسین سورونن یرده من گرک سورونم
سورونمه سم ئورگیم غصه دن رها اولماز
.
سوروندی آلدی حسینین مزارین آغوشه
بلوردی دردینه چون آیری بیر دوا اولماز
.
دیدی حسین نه گوزل آلتی گوشه دور قبرون
قبور ایچره بئله قبر خوش نما اولماز
.
.
#اربعین_ثاقب_بخشایش
#غمه_علی_قیزی_تک_کیمسه_مبتلا_اولماز
#ترکی
.
✍️ #زبدةالاشعار ✍️
.
🆔: @nohe_torki
نظر دهید