راه شام
.
#زبدةالاشعار
.
: @nohe_torki
.
مرحوم انور اردبیلی
.
ای دفتر وفاده آدی جاودان، گوزل
نیزه باشندا باشون ایدوبدور مکان، گوزل
.
قارداش باجیلا همسفر اولسا اوزاق یولی
نازین چکوب دانشدیرار ای مهربان گوزل
.
الله رضا سیدور اوجا یرده مقام ایدن
آلچاقدا کین گوروب ایده لطفون عیان گوزل
.
سلطان ملکِ حُسن سن اورنگِ نیزه ده
گورمز زمانه نون گوزی سن تک جوان گوزل
.
ایل طایفه سنی تانیور اَشبهِ الرسول
سیرت گوزلدی صورت و نام و نشان گوزل
.
گاهی منه قرا گوزوین گوشه سیله باخ
نیمه نگاهه مشتریم الده جان گوزل
.
نرگس دیسم او گوزلریوه ایتمشم خطا
نرگسده جذبه یوخدی گوزون تک اینان گوزل
.
اعجاز ایدوبدی کلک ازل قاشلاروندا چوخ
گلمور دیلیم سنه دئیم ابرو کمان گوزل
.
ای کاش اوقانلو تا لره یل ورمیا الین
غم نکته سی بو سوزده وار ای نکته دان گوزل
.
یل ده رقیب اولوب باجووا بختخ باخ علی
طرّون که ترپنور دیورم الامان گوزل
.
برگون واردیدی بختوریدوم مدینه ده
من تک یوخیدی شهرده بر کامران گوزل
.
باشمده معجریم زری جسمیم حریر پوش
بختیم گوزل لباس گوزل خانمان گوزل
.
آغوشوه آلاندا دیر دون دانش باجی
خلق اولمیوبدی سنکیمی شیرین زبان گوزل
.
خوش گونلریم تمامه یتشدی رجب آئی
دوشدی مدینه یولا بر کاروان گوزل
.
آلِ پیمبری کوچَری ایلدی فلک
روشن نما اُفقلری دوتدی دودمان گوزل
.
آلِ امیّه مکّه ده ده قویمادی بزی
بیت خدا ده اولدی آتام ناگران گوزل
.
امنیت اولمادی حرمِ اَمنده بیزه
ترک ایلدوق او شهریده دامن کشان گوزل
.
چاوشمز بالئیدی مقصد ده کربلا
طی منازل ایتدی بزیم خاندان گوزل
.
اوندا سنه عزیزه ایدوم نازنیندوم
خندانیدوم مثالِ گل ارغوان گوزل
.
بعضی گیجه دوشردی یولا کاروانمز
آی چخجاقین اولاردی علی آسمان گوزل
.
آیه دیردیم ایله نظریده کی آیا
اکبر گوزلدی یا که سن ایله بیان گوزل
.
ایندی زمان دونوب منه آی گوزداغی ویرور
مهتاب اولاندا قالموری منده توان گوزل
.
ناچار اولوب سمایه طرف ایتمورم نظر
مژگاندن تل لریم یوزه اشکیم روان گوزل
.
آشفته تل لریم یوزومه یَرده ایلورم
ماه ایستورم اولا ایکی گوزدن نهان گوزل
.
هر بر گئجیکه نورفشان اولسا گویده آی
حتماً اولور رقیه ده گیس. فشان گوزل
.
خیمه یاناندا کاش یانیدوم شراره ده
اوددان چتندی دلدخ کی سوز نهان گوزل
.
اشک تریم اورک اودنی ایلمور خموش
اشکمده یوخ اثر یانورام همچنان گوزل
.
دنیانون اُفّ اولا شرف و اعتبارینه
غم غصّه دور محیطی کران تا کران گوزل
.
هر بر قوشون اوزینه گوُره واردی لانه سی
قوشاندا اسکیگم منه یوخ آشیان گوزل
.
زَجر دنی ایاقلادی سن ایگلین گلی
سیلی دچاری اولدی یوزوم ناگهان گوزل
.
غملی سسیم هَزاره لره ایلیور اثر
شیرین دیلون اولوبدی سنه نوحه خاون گوزل
.
.
#راه_شام_انور_اردبیلی
#ای_دفتر_وفاده_آدی_جاودان_گوزل
#ترکی
.
#زبدةالاشعار
.
: @nohe_torki
نظر دهید