ای دل گل ایله حمد و ثنا جمعه آخشامی #مهدیه_علی_تیموری

جمعه آخشامی
..
..
تیموری اردبیلی
..
..
ای دل گل ایله حمدوثنا جمعه آخشامی
چونکه آچیخدی باب رجا جمعه آخشامی
..
کیم حق یولوندا ایلسه احسان ومرحمت
روحی تاپار بو یولدا صفا جمعه آخشامی
..
باور واریمدی شاد اولار اموات بوالبشر
اولجاق بساط بذل وعطا جمعه آخشامی
..
قبر اوستونه دوشنده یولوم عبرت عالمی
گوردوم اوخور بیر عدّه دعا جمعه آخشامی
..
یاد ایلدیم طریقت حقده گئزنلری
ائتدیم اورکدن آه و نوا جمعه آخشامی
..
گئزدیم تخیل عالمی صحرای محشری
ناگه او یئرده گلدی ندا جمعه آخشامی
..
نیکو عمل سفارش اولوب ذات حقّیدن
احسان ائدون به رسم وفا جمعه آخشامی
..
یاد ایلیون گئدنلری یاد ایلسون سوزی
فانی جهاندا خلق خدا جمعه آخشامی
..
کیم اعتراض ائدور بو رسوماته بوشلیون
سیز ایلیون بو رسمی ادا جمعه آخشامی
..
الهام آلوبدی حضرت معبودیندن بشر
بیلدی بورسمی دینه روا جمعه آخشامی
..
قربان اولوم او عاشقه کی واردی حرمتی
عشق عالمینده گیدی قراجمعه آخشامی
..
یاندیردی اهل عالمی مولا مصیبتی
سیزده دوتون او شاهه عزاجمعه آخشامی
..
یاده سالون حسین آقامون تشنه اصغرین
روحوز تاپاندا حال بکاء جمعه آخشامی
..
واردور یری گله آناسی بزم ماتمه
آغلاتسا خلقی گنج حیا جمعه آخشامی
..
مظلوم حسینی اوخشاسا دنیانی داغلیار
ائتسه اورکدن آه و نوا جمعه آخشامی
..
صاحب زمان آلار الینه قانلی پرچمی
دل داغلییار او میر هدا جمعه آخشامی
..
زوار اولار حسین شهیدون مزارینه
سینه ویرار حبیب خدا جمعه آخشامی
..
قان آغلییار حسینه دییر نوحه ی حزین
قاره گییر به حکم قضا جمعه آخشامی
..
..
#مهدیه #علی_تیموری #شب_جمعه #ترکی #زبدةالاشعار #حسینیه #کربلا