دیر راهبده اوجالدی گویه بیر نور جلی #دیر_راهب_غمکش

دیر راهب
..
..
مرحوم غمکش
..
..
دیر راهبده اوجالدی گویه بیر نور جلی
حق دیوب حق دانشوب رأس حسین ابن علی
اَنا مظلوم حسین
اَنا محروم حسین
..
..
..
اَنا العطشان سسینه عرشه قرا چکدی ملک
یعنی ال مندن آقا ای شه دین سندن اتک
سنه قرباندی یارانموشلار حسین ابن علی
سنی خلق ایلیوب الله ئوزی تک عالمه تک
اَنا مظلوم حسین
اَنا محروم حسین
..
..
..
دیر راهبده قیامت ایلین عشقه فدا
راهبی دعوت ایدوب دینه اوگون میر هدا
اونا تعظیم ایلدی باور ایله ارض و سما
بیلدی راهب بودی عالمده کی شاه شهدا
اَنا مظلوم حسین
اَنا محروم حسین
..
..
..
نوریدن گوردی هویدادی مسیحون نفسی
انبیانین اوجالور گوگلره ایوای سسی
اونی جلب ایله دی اُول قانلی باشین هم نفسی
دیوری باشوه قربان نه گوروبدی ننه سی
اَنا مظلوم حسین
اَنا محروم حسین
..
..
..
ووردی راهب باشینا گوزیاشی دریایه دونوب
دولانوب قبلیه بیر سمت کلیسایه دونوب
گتدی البته گلابیله یوووبدی او باشی
نه گوروبدی او باشی طور تجلایه دونوب
اَنا مظلوم حسین
اَنا محروم حسین
..
..
..
دولانوب اولدی مسلمان دیدی من نوکروم
سن قبول ایله آقا چونکه نمک پروروم
عاشق اکبروم اصغر و سرلشگروم
ئولدورلّر منی قوی ئولدورلر ازبروم
اَنا مظلوم حسین
اَنا محروم حسین
..
..
..
#دیر_راهب #غمکش #ترکی #زبدةالاشعار