ای دیده مه نور و ضیا گل جوادیم گل #رضویه_تائب_تبریزی

زبان حال امام رضا (ع) خطاب به فرزندش
.
زبدة الاشعار
.
: @nohe_torki
.
مرحوم تائب تبریزی
.
ای دیده مه نور و ضیا گل جوادیم گل
یول گوزلورم دلده نوا گل جوادیم گل
گل جان و جانانیم
گل روح روانیم
.
.
زهر جفانی جبریله میل ایدوب یاندیم
جان وجگردن اود دوتوب یاندیم اودلاندیم
یاندیم یاخیلدیم قلبدن من یارالاندیم
جان اوستیم دلده یارا گل جوادیم گل
.
.
بیر باغبانم آیری اوز بوستانیمدن
جبراً الیم چخموش گل و گلستانیمدن
یوخدور خبر اوز بلبل نغمه خوانیمدن
ای عندلیب خوشنوا گل جوادیم گل
.
.
سیمرغ قاف عزتم اوز زمانیمده
مأمون ولی قویموب قالام آشیانیمده
غربتمدارم من ایلیم یوخدی یانیمده
بولسون واریمدور نه بلا گل جوادیم گل
.
.
سالموش منی زهر جفا نار سوزانه
یاندیم قوتولدوم شمع تک من یانا یانه
اول سونمَه میش اوز شمعیوه سنده پروانه
پروانۀ شمع وفا گل جوادیم گل
.
.
پول گوزلورم یرده یوزوم بیله جان اوسته
قویما قالا یولدا گوزوم بیله جان اوسته
واردور اورکده چوخ سوزوم بیله جان اوسته
گل بیربه بیر ایلوم ادا گل جوادیم گل
.
.
مدتدی بوقلبیم یانوب نار هجرانه
بو درد فرقت دوندروب باغریمی قانه
چوخ ایستوری گوگلوم سنی گل خراسانه
وصلیله قیل هجره دوا گل جوادیم گل
.
یانماز دلیم یاده منی گر سالان اولسا
قالماز غمیم گر قیدیمه بیر قالان اولسا
دردیم اولار زایل اگر درد آلان اولسا
گل دردیمه یت دلربا گل جوادیم گل
.
.
بو سینه ده اود یاغدیران آه سردیم وار
درد فراقونلا سولان روی زردیم وار
آل دردیمی داغلار بویی دلده دردیم وار
سن مبتلا من مبتلا گل جوادیم گل
.
.
پیک اجل ایمدی دوروب اوز اوزه منلن
اگلش یانیمدا مهریله گل سوزه منلن
آخر نفسده بیر قویاخ یوز یوزه منلن
ای معدن مهر و وفا گل جوادیم گل
.
.
یالقیزغریبم نیلیوم نه علاجیم وار
دور و بریمده نه آنام وار نه باجیم وار
جان اوسته بیر دلداره چوخ احتیاجیم وار
گل ای گل باغ رضا گل جوادیم گل
.
.
خسته گوگل غم چکمه دن سانما دینجلدی
معصومه نین هجران اوخی باغریمی دلدى
نه من گیده بولدوم گورم نه باجیم گلدی
سن باری گل ای مه لقا گل جوادیم گل
.
.
غربتده جان ویرسم اگر من غریبانه
ساخلار عزامی کیم توکر اشگی دامانه
شام غریبان کیم دوتار بو پریشانه
شام غریبان دوتماقا گل جوادیم گل
.
.
تائب چالیش یاور سنه حق اوزی اولسون
تا سوزلرون دفترده هر سوز گوزی اولسون
یعنی امامین یازدیقون اوز سوزی اولسون
ذکر ایلیوب مظلوم آقا گل جوادیم گل
.
#سبک_بزم_عزاده_گیمیشم … 3 سبک
.
#رضویه_شهادت
#ای_دیده_مه_نور_و_ضیا_گل_جوادیم_گل
#تائب_تبریزی
#ترکی
.
#زبدةالاشعار
.
: @nohe_torki