تا ئولمه میشم تاپ منی بیر آن دیریلیقدا #پندیات_یوسف_فگار

پندیات
دیریلیقدا
..
..
مرحوم حاج یوسف مهدیون (فگار)
..
..
تا ئولَمه میشم تاپ منی بیر آن دیریلیقدا
گر جان دیه جاق سان منه دئ جان دیریلیقدا
..
ئولسم من اگر مندن اؤتور سینه وی یارما
قربان کسیسن کس منه قربان دیریلیقدا
..
گول ایستمیرم قبریمین اوستونده گول اکمه
گَل گول یوزومه گول کیمی الآن دیریلیقدا
..
بو عمر که وار بیرده برادر اله دوشمز
بول قدرینی تا اولمویا خسران دیریلیقدا
..
اللهه توکل ایله آرامشون اولسون
گئت گل دور اوتی خُرّم و خندان دیریلیقدا
..
دنیا یغیشا نقشۀ تقدیری پوزانماز
لکن گرک انسان اولا انسان دیریلیقدا
..
الله یولونی بوشلاماز البته که عاقل
گر اولماسادا بوذر و سلمان دیریلیقدا
..
دنیانی دوتوب آخرتى ویرمز الیندن
مأواسین ایدر روضۀ رضوان دیریلیقدا
..
بسدور بو نچه بیت «فگارا» بولن اولسا
بیر کلمه ایدر دردینه درمان دیریلیقدا
..
..
#پندیات #یوسف_فگار #ختم_خوانی #ترکی #زبدةالاشعار