ای سرور دو عالم من دشت نینوایم #ورود_کربلا_معروف_اهری

ورود به کربلا
..
..
..
معروفان اهری
..
..
..
ای سرور دو عالم من دشت نینوایم
ایللردی عطر و بوی دلداره آشنایم
جان یاحسین حسین جان
جانلار حسینه قربان
..
..
..
ای یوسف مدینه بازاره خوش گلوبسن
عشق شهادتیلن دیداره خوش گلوبسن
صافدا رشید علمدار صولدا على اکبر
مادر الینده طفل گهواره خوش گلوبسن
جان یاحسین حسین جان
جانلار حسینه قربان
..
..
..
سن خاک نینوایه نور و جلا وئررسن
بو عرصۀ مناده سعی و صفا وئررسن
الدن گئدر وزیرون دوغرالّا بند قلبون
سینونده شیرخواره اوغلون فدا وئررسن
جان یاحسین حسین جان
جانلار حسینه قربان
..
..
..
بیر گون آدین بو دشتون کرب و بلا قویالار
مقتلده خنجریلن قانه سنی بویالار
گودال قتلگهده باشسیز یئره دوشرسن
زهرا بالاسی تندن پیراهنون سویالار
جان یاحسین حسین جان
جانلار حسینه قربان
..
..
..
سن که شهید اولارسان خنجر وران الینده
قیزلار اسیر اولالار شمر و سنان الینده
عریان قالار وجودین مقتلده داشلار آلتدا
باش خولینون تنوری ال ساربان الینده
جان یاحسین حسین جان
جانلار حسینه قربان
..
..
..
ایللر گئچر بو ایلدن ئولمز سنون قیامون
پاینده دور همیشه اندیشه و مرامون
زوّارلر گللر ششگوشه قبرین اوسته
«معروف» اولار نگاه شاهانیه غلامون
جان یاحسین حسین جان
جانلار حسینه قربان
..
..
..
..
#ورود_کربلا #معروف_اهری #ترکی #زبدةالاشعار