ای شهریار عالمین موسی بن جعفر #کاظمیه_حجت_مرتضایی

شهادت امام موسی کاظم (ع)
.
#سبک_ای_درد_بی_درمانلارا
.
.
حجت مرتضایی
.
ای شهریار عالمین موسی بن جعفر
چشم وچراغ کاظمین موسی بن جعفر
.
.
ای حبسیده یارب دین قانلی دوداقی
معصومه نی آغلار قویان داغ فراقی
مجروح اولان زنجیر ظلمیلن ایاقی
ای شیعیه نور دوعین موسی بن جعفر
.
.
ای سکّۀ عشقی اولان عالمده رایج
ای دردمندانه گوزل آدی معالج
سسلر سنی بو شیعه لر باب الحوایج
ای کاظمینه زیب و زین موسی بن جعفر
.
.
ای مونسی زندانیده بیر کند و زنجیر
ای قاتلی اهل عناد و اهل تزویر
سن محبس هارون ایچینده اولموسان پیر
ای پور شاه نشأتین موسی بن جعفر
.
.
دشمن سنه ائتدی او زنداندا جسارت
زینب کیمین سن گورموسن رنج اسارت
ممنوعیدی حتّی سنه مولا عیادت
گریان اولوبدور قبلتین موسی بن جعفر
.
.
چوخ بی وفا اولدی سنه دور زمانه
قدّون دونوبدی حبسیده آقا کمانه
وورموشدی چوخ سندبن شاهک تازیانه
ای وارث بدر و حنین موسی بن جعفر
.
.
اون یدّی ایل گزدون آقا زندان به زندان
زنداندا زندانبانه ده سن ائتدون احسان
وئردون ولی آخر آقا زندانیده جان
نالاندی شاه مشرقین موسی بن جعفر
.
.
ای منبع جود و کرم ای باب حاجات
گلمیشدی شیعه ایلیه سندن ملاقات
اما گوروب بیر منظره هیهات و هیهات
برپا اولوبدی شور و شین موسی بن جعفر
.
.
هجرونده معصومه بالان شدّتله آغلوب
عاشقلرون ماتم دوتوب هم سینه داغلوب
غربتده کیم گوزلریوی زنداندا باغلوب
یاسه باتوبدور حرمین موسی بن جعفر
.
.
قالدی غل و زنجیر اهل کین بدنده
معصومه قالدی سیّدی تنها وطنده
کرب و بلاده تاپمادی زینب کفنده
قالدی قوری یرده حسین موسی بن جعفر
.