ای شهریار کشور عشق و صفا حسین #حسینیه_ستار_رزاقی

مدح حضرت امام حسین (ع)
.
زبدة الاشعار
.
: @nohe_torki
.
#ستار_رزاقی
.
ای شهریار کشور عشق و صفا حسین
وی حجت و حبیب حق کبریا حسین
.
ای اسم پاکی دللره دائم صفا ویرن
وی گُل وجودی زینت ارض و سما حسین
.
ای اهل حقّه خلق اولونان کشتی نجات
وی شاهراه خلقته نور هدا حسین
.
ای نور چشم حضرت زهرا و مرتضی
آرام جانِ حضرت خیرالورا حسین
.
ای مظهر شجاعت وایثار و معرفت
وی بحر استقامت و سِلم و رضا حسین
.
جود و عطا و بذل و کرامتده بی بدیل
لطف و سخا و بخششی بی مُنتها حسین
.
کربوبلاده چخدون آغیر امتحانیدن
ایتدون او چولده ایتدیقون عهده وفا حسین
.
حقّون یولوندا مامَلَکیندن گیچوب تمام
اُئوز دِینیوی بو عرصه ده قیلدون ادا حسین
.
بو امتحانیده سنه بیر عده اولدی یار
اولدوز منای عشقیده باهم فدا حسین
.
باش اگمدون زمانه ده بیر لحظه ظالمه
اولدی کسوک باشون اودی زیب جدا حسین
.
باش ویرماقیله ایلدون اسلامی سربلند
دنیا دئیور بو همتیوه مرحبا حسین
.
دینون بقاسینه سبب اولدی شهادتون
پامال اولوبدی نقشه اهل جفا حسین
.
سندن آلوبدی درسینی آزادگان دهر
ایلوله هر زماندا سنه اقتدا حسین
.
آل یزیدی قانلو قیامون ایدوبدی خوار
ایلوب جهاندا باطلی حقدن جدا حسین
.
تا واردی ظلم، نهضتوین وار ادامه سی
کُهنَلمیَیندی واقعه کربلا حسین
.
ایمدی تمام لحظه لر عاشوریدور بیزه
هرشهرو هر مکاندی بیزه کربلا حسین
.
گورنه عراق وشام و یمنده کُمَکلرون
اِیلولّه ظلم علیهینه محشر بپا حسین
.
ایتمیش مدافعان حرم سینه سین سپر
چَپ باخمیا حَرَملَرَه تا اشقیا حسین
.
شیعه گرکدی عشقیده کامل عیار اولا
دلدن بیله سنی ائوزونه مقتدا حسین
.
شیعه گرکدی خطّ ولایتده سیر ایده
حقّین مسیرین ایتمیه هرگز رها حسین
.
شیعه ولی امره گرکدور مطیع اولا
وقت عَمَلده ایتمیه چون و چرا حسین
.
شیعه باشین زمانه ده ظلمه خم ایلَمَز
اهل ستمدن ایتمیوب ایتمز اِبا حسین
.
شیعه سنون یولوندا کیچر باش و جانیدن
عشقیله جانینی سنه ایلر فدا حسین
.
رزاقی نوکروزده خلوصیله ذکر ایدر
جانیم او پاک عشقیوه قربان اولا حسین
.
#حسینیه_مدح
#ای_شهریار_کشور_عشق_و_صفا_حسین
#ترکی
.
#زبدةالاشعار
.
: @nohe_torki