ای مفخر آل یاسین گل زینبیوین قور یاسین #زینبیه_مصیبی_تبریزی

زبانحال حضرت زینب سلام الله علیها در لحظات احتضار
.
.
.
#مصیبی_تبریزی
.
.
#سبک_ایوای_یارالی_جان_یارالی
.
.
.
ای مفخر آل یاسین
گل زینبیوین قور یاسین
هم ایله خبر اکبریمی
هم کرب وبلا سقاسین
.
ای تاجدار مُلک جانان
گل باشیم اوسته باشلا قرآن
گل؛ سن گلن یوللاره قربان
((ایوای یارالی قارداش ایوای))
.
.
.
.
.
ای کرب وبلا سلطانی
عزت یولونین قربانی
گونلر قاباقیندا قالمیش
باش سیز بدن عریانی
.
ایکاش اوگون منده صولید یم
صهبای عزّت دن دولیدیم
کرب و بلاده دفن اولیدیم
((ایوای یارالی قارداش ایوای))
.
.
.
.
.
گل،سیل گوزومین یاشینی گل
آل دیزلریوه باشیمی گل
غربتده ئوزون باغلاماقا
بو دیدۀ خونپاشیمی گل
.
بیکس باجون ایلور گلایه
آهی چاتور عرش علایه
یوخ بیر نفر گلسون هرایه
((ایوای یارالی قارداش ایوای))
.
.
.
.
.
.
آگاه ائله پرچمداری
باشی بولونن سرداری
سویله گله باشیم اوسته
گرم ایلیه بو بازاری
.
ای عشقی بنیان و اساسیم
گلسه اگر عباس و قاسیم
خواراولماز اوندا بزم یاسیم
((ایوای یارالی قارداش ایوای))
.
.
.
.
.
چیخماز بیلوسن یادیمدن
ظلمیله سولان بیر گلشن
قالمیش منه اول صحرادن
بیر قانه باتان پیراهن
.
گل بو مُحندن آیریلوم من
غربت وطندن آیریلوم من
بو پیرهندن آیریلوم من
((ایوای یارالی قارداش ایوای))
.
.
.
.
.
گوردوخ نه جفا ائللردن
گردونۀ پُر اخگردن
داش ووردیلا نوک نی ده
قرآن اوخیان لبلردن
.
تاباشیوه داش دگدی قارداش
قانه باتوب هم گوزلرهم قاش
اوندا ئولیدی زینبون کاش
((ایوای یارالی قارداش ایوای))
.
.

#زینبیه_شهادت
#ای_مفخر_آل_یاسین
#ترکی
.
.