کوفه
زبانحال حضرت زینب (س)
.
✍️ زبدة الاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم سیّد ولی الله معینی فرد (واله)
.
ای کلام اللهه ناطق آیت کبری حسین
بیرده سس ویر زینبه ای حجّت یکتا حسین
.
.
خوش مقالیله اوخوردون نیزه ده کهف آیه سین
محکم ایلردون سن اعجازیله دینین پایه سین
نور پاکونله ایدردون محو کفرین سایه سین
جدّیمون قانونین ایلردون بو گون احیا حسین
.
.
هانسی بیر کافر سنون آغزوندا قویدی حق سوزون
گل دله بیرده تلاوت ایله قرآن اوزون
گوزلرون قربانیم قارداش اماندور آچ گوزون
گور نه ایلور داد و شیون عترت طاها حسین
.
.
دائم ایلردی جمالون نوری گون تک اِنجلا
اوج ایدردی نور پاکون چرخ مینایه اَخا
ایمدی بس باعث نولوب گل صورتون دوموش دِما
قانیله الوان اولوب بو صورت زیبا حسین
.
.
زینبون قربان سنه کشف ایت منه بو مطلبی
کیم حسین کول اوسته قویموشدی بو راس اطیبی
یوز گوزون کولدور ندن آگاه قیل بو زینبی
قان اولوب حایل، خسوف ایلوبدی مه گویا حسین
.
.
بو کسوک باشیله کشف ایت نیزه ده آیاتی سن
ایله قانلی لبلریله خلقه تبلیغاتی سن
دیده گریان سِیر قیلّام ای حسین شاماتی من
حقّی اثبات ایلرم گوزیاشیله هرجا حسین
.
.
قولّاریمدان وورسا قمچی گر منیم اهل عذاب
هر نه غم یتسه دایانّام ایلرم چوخ صبر و تاب
شعله ی نار فراقون گر منی ایلوب کباب
صبر قیلّام آچمارام دل شکویه اصلا حسین
.
.
قان چکوبدور پرده مه رخساریوه ای شهریار
عارض گلفامیوه حایل اولوب گرد و غبار
آچ گوزون قربان سنه قیل زینبه بیردم نظار
گور نجه اولموش اسیر فرقه ی اعدا حسین
.
.
ابر ظلمت ماه رویون ظلمیله مستور ایدوب
چولقیوب قان صورتون انظاریدن مهجور ایدوب
باشون عشقی بو بلالی زینبی مجبور ایدوب
شامه دین بیر باش سورونّم باشون آردینجا حسین
.
.
ایمدی ایلردون تلاوت نیزه ده قرآن اَخا
عالمی ایتمیشدی صوتون والِه و حیران اَخا
حق کلامین سن ایدردون عالمه اعلان اَخا
خلقه تبلیغات ایدردون ای شه والا حسین
.
.
باشیوه باخدوقجا یانّام هردم اولّام دل کباب
سن شهنشه سن، گورونموب شه ایده قاندان خضاب
«والِهی» دلدن ایدوبدور گردش دوران مُصاب
ایت خلاص اولماقینون طومارینی امضا حسین
.
.
.
#کوفه_معینی_فرد
#ای_کلام_اللهه_ناطق_آیت_کبری_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید