یا مهدی
.
✍️ زبدة الاشعار ✍️
.
🆔: @nohe_torki
.
مرحوم #کهنمویی
.
ای شیعه لر امام زمانین گلن گونی
دنیا دونر امام زمانین گلن گونی
.
هر یرده هرمقامده دین پرچمی اسر
خوش گون گچر امام زمانین گلن گونی
.
آیات حق اوخونماقی خوشحال ایدر سنی
اولسان اگر امام زمانین گلن گونی
.
قرآندا هرنه حکم وار اجراء اولار اوگون
واردور خبر امام زمانین گلن گونی
.
ظلم و ستم صدالری بالمرّه لال اولار
اولماز اثر امام زمانین گلن گونی
.
خوشحال اولار اوگون اونا هرکس که شیعه دور
واربو قدر امام زمانین گلن گونی
.
غیبت زمانی چکدیقی درد و ملال و غم
گتمز هدر امام زمانین گلن گونی
.
قرآنی درس ويرميه نون چوخ بلاسی وار
حتماً گورر امام زمانین گلن گونی
.
هر کس که واردی قدرتی ئورگشميوب اونی
افسوس ایدر امام زمانین گلن گونی
.
ایقان ، بیان ، اقدس بو اوچ کتاب ایچون
وار چوخ ضرر امام زمانین گلن گونی
.
باب و بهائی هرنه که اولساقالان توکر
اشک بصر امام زمانین گلن گونی
.
هربابی و بهائی اگرئولمه سه قالا
خجلت چکر امام زمانین گلن گونی
.
دنیا دولاندی دوره قرآن و دین گلر
هانی گورر امام زمانین گلن گونی
.
ای کهنموئی یاز قالا بوسوزلرون سنون
سندن اثر امام زمانین گلن گونی
.
#مهدیه
#ای_شیعه_لر_امام_زمانین_گلن_گونی
#ریاضی_تبریزی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید