ای عمّه گوروم اولماسون آباد خرابه #حضرت_رقیه_غمناک_تبریزی

خرابۀ شام – زبانحال حضرت رقیه سلام الله علیها
.
#زبدةالاشعار
.
: @nohe_torki
.
مرحوم محمد تقی فرهادی (غمناک تبریزی)
.
.
ای عمّه گوروم اولماسون آباد خرابه
گوگلوم ائوینی ایلدی برباد خرابه
.
.
دوشدوم نجه بو منزل ویرانه ده بنده
گوگلوم قوشونی صید ایلیوب سالدی کمنده
بیر چاره ایدن یوخدی که جان قالمادی منده
نه ئولدوروری نه ایدور آزاد خرابه
.
.
ای کاش منی قورتارا بیر کس بو قفسدن
سالدی منی بو دام بلا عمّه نفسدن
گلمور نفسیم دوشمورم امّا گینه سسدن
از بس ایدرم ناله چکر داد خرابه
.
.
مُدّتدی ریاضت کش صحرای بلایم
زندانه ویروب جانیمی پامال وفایم
باللهی ره عشقیده بالمرّه فنایم
چون صدقیله ایتمیش منی ارشاد خرابه
.
.
باشدان ایلیوب ترک جهانی آتارام من
گوزیاشیمه خون جگریمی قاتارام من
بو سنگ قناعتدی منه آج یاتارام من
آج یاتماقا ایتمیش منی معتاد خرابه
.
.
بو مکتب غمده منه مین دام قوروللار
من سس چکرم خلق تماشایه دوروللار
درسیم اولوب ازبر گینه ای عمّه ورورللار
بولمزلر ایدوبدور منی استاد خرابه
.
.
غم چکمگه اورگشموشم عمّه ندی باکیم
تخمیر اولونوب چون غمیله آبیله خاکیم
تاپمیش اوزی تک بیر قوری یر سینۀ چاکیم
قلبیمی اودور قویماز اولا شاد خرابه
.
.
چوخ اودلی آهیم کیچه جاق داغیله داشدان
آهیمدی کی طوفاندی دوتوب عالمی باشدان
گوز یاشیم ایدوب جوش آشار ایمدی بو باشدان
مشکل دوتا بو اشکیله بنیاد خرابه
.
.
دائم توکرم گوز یاشمی عارض زرده
رنگیم سولوب از بس یاتارام بو قوری یرده
هر چند سالوبدور منی ویرانه بو درده
ایلر اوزی بو حالیمه فریاد خرابه
.
.
من بو صدف خاکده بیر دُرّ یتیمم
لازمدی یاتام بو قوری یرلرده یتیمم
باخماز یوزومه کیمسه دیمز زارغریبم
ایلربوغریبی ولی برباد خرابه
.
.
آیا بوغریب اولکده وار من کیمی کُلباش
نه واردی آتام نه آنا نه قوم نه قارداش
قارداش غمی آخرمنی بیریانه چکرفاش
اوللم داخی چوخ ایلدی بیداد خرابه
.
.
غمناک الهی گینه سندن نظر ایستر
صاحب نَفَس اولماقلیقینه بیراثر ایستر
گویلوم ایوی برباد اولوب سیم و زر ایستر
چون سیم و زریله اولور آباد خرابه
.
.
#حضرت_رقیه_غمناک_تبریزی
#حضرت_رقیه_شهادت
#ای_عمه_گوروم_اولماسون_آباد_خرابه
#ترکی
.
#زبدةالاشعار
.
: @nohe_torki