زبدةالاشعار

ای فروغ دیدۀ جان جهان قارداش حسین #عباسیه_هادی_تبریزی

هیکل ایثار
استمداد حضرت ابوالفضل علیه السلام
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
ای فروغ دیدۀ جان جهان قارداش حسین
گل ایشقلانسون بو چشم خونفشان قارداش حسین
.
.
گون گوزی گوندوز گوزونده گون گوزونده کور اولوب
گون گونشلیقدا گونشلیقدان دوشوب کم نور اولوب
باش ویر ای حقّین گونی گون لیلۀ دیجور اولوب
صف چکوبدی گوزلریمده کهکشان قارداش حسین
.
.
هارداسان ای شمع فانوس هدایت هارداسان
هارداسان ای والی ملک ولایت هارداسان
هارداسان ای کوه صبرو استقامت هارداسان
یوخدی منده قدرت تاب و توان قارداش حسین
.
.
جان ندور شایستۀ ایثار جانان اولماسا
گوز ندور وصل انتظارینده هراسان اولماسا
انتظار وصلیده آماج پیکان اولمالسا
اولماسا خونابه ریز خونچکان قارداش حسین
.
.
آلموشام شقّ القمردن فیض راز اشتیاق
اشتیاق ایجاب ایدور مهریله ماهه اتّفاق
قوزانور ذرّات جسمیمدن شرار اشتیاق
اولموشام اخگر فشان آتش بجان قارداش حسین
.
.
روحیمین حجمین سراسر غم دوتوب ماتم دوتوب
ماتم و غم جملۀ آدم دوتوب عالم دوتوب
عالم و آدم دیوب ای وای حسین وای دم دوتوب
بولمورم امّا جوابون وار هاچان قارداش حسین
.
.
ای صفات ذات حقّیله حقیقی منطبق
حق حقه ملحق و احقاق حقّه مستحق
قیل تجلاّ ای تجلاّی جمال پاک حق
تا یغوم طومار غمدن داستان قارداش حسین
.
.
اود گلوب یانقین چوکوب یانقین یانیشدا یانموشام
اود دوتوب یانقین یانیشدا یانموشام اودلانموشام
یانموشام اود لانموشام امّا چوخ آسان سانموشام
تا تاپام اودلاردا فیض گلستان قارداش حسین
.
.
اوخ گلور قان قان دیور اگلشماقا جان آختارور
جان چکور جان چخماسیندا جانویرور جان آختارور
جاندان آرتوخ جانویرن جانیله جانان آختارور
یوخدی بیر جان قالدیران جان قورتاران قارداش حسین
.
.
ای وجودی ذی وجود خلقته عین الوجود
علت بود و نبودِ جملۀ بود و نبود
نای تارخ بلاده جاودانه بیر سرود
لامکاندا گل تاپوم فیض مکان قار داش حسین
.
.
ایله مستم بولمرم اوّل ندور آخر ندور
باش ندور یا ال ندور یا محو اولان پیکر ندور
اوخ ندور خنجر ندور یا خشک اولان حنجر ندور
بیرفقط سنسن قالوب یا قالمیین قارداش حسین
.
.
من دیمم دوشدوم ایاقدان گل منه امداد ایله
گلماقیله خاطر ناشادیمی بیر شاد ایله
ممکن اولسا بیر یارالی قارداشوندان یاد ایله
قالماسین سینمده دردبی امان قارداش حسین
.
.
کاش اولا قانیم که دشمنلر دویونجان قان توکه
گوزلریم گوزگوز، گوز آچدوقجا گوز اوسته قان چوکه
سینم اوستون نیزه لر یا آنّمی اوخلار سوکه
بلکه سندن آخمیه بیر قطره قان قارداش حسین
.
.
رهرو حقّم فنادن من بقایه راهیم
گرچه راه راه چاه راه حق آگاهیم
حق بولور حق حق ایچون ایمدی حسین اللهیم
بیرلشوب منده عیانیله نهان قارداش حسین
.
.
ای امید جملۀ ذیروح و نوع بوالبشر
«هادی» بیچاره نی لطفا بویور مدّ نظر
اوز غلام خانه زادین ترک ایدر مولا گلر
اولما راضی اینجیده دور زمان قارداش حسین
.
.
.
#عباسیه_هادی_تبریزی
#عباسیه_شهادت
#ای_فروغ_دیده_جان_جهان_قارداش_حسین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  عشقیم ، سنین عشقنده طغیان ائله سم آزدی #مهدیه_هدایت_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی