زبدةالاشعار

ای قزل قانه باتان ولدی یا ولدی #اکبریه_تائب_تبریزی

زبانحال امام مظلوم (ع) در بالین فرزند
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
ای قزل قانه باتان ولدی یا ولدی
قاناو بسترده یاتان ولدی یا ولدی
.
.
آچ گوزون ایله بیان دلده کی دردون اوزون
بوسنق گوگلومی آل صورا یوم قانلی گوزون
نقدر عمریم اولا سنون آخر کی سوزون
ایدرم ورد زبان ولدی یا ولدی
.
.
پیکروندن على جان چشمه تک قانون آخور
قلبیمی حسرت اودی یاندیرور ناره یاخور
باشون اوستونده آنان سنه گوز یاشلی باخور
اولوری اشکی روان ولدی یا ولدی
.
.
آتالیق عاطفه سین بالا اعلان ویرورم
شوریله گوز یاشیما گوزده طوفان وئرورم
سنی جان اوسته گوروب من اوزوم جان ویرورم
حقّی وار ئولسه آنان ولدی یا ولدى
.
.
ای سرور و شعف دل مجروحیم اویان
ای دیزیم طاقتی وی جسمده روحیم اویان
غصّه دریاسی منی غرق ائدور نوحیم اویان
ساحله چک ویر امان ولدی یا ولدی
.
.
ره جاناندا یارا سوزشین سهل سانان
دور گیداخ خیمه لره ایمدی یول گوزلور آنان
گله جاق گر چه منه بیر جهان اهلی یانان
هیچ بیری اولماز آنان ولدی یا ولدی
.
.
آز سزیلدا دلیمی زمزمه ن داغلار على
دور گیداخ سندن ئوتور قزلاریم آغلار على
بولوسن یاخشی بی بون یاراوى باغلار على
باغلاسون چوخلی یاران ولدی یا ولدی
.
.
ره جانان ده ای هامی مقصوده چاتان
قورتولوب راحت اولان عالمی گوزدن آتان
سن قوتاردون اوزیوی قالدى تک بی کس آتان
دور و بر دشمن جان ولدی یا ولدی
.
.
ایلمیشدیم بالا من سنه عاشق اوزومی
سندن عمریمده بیر آن گوتومزدیم گوزومی
سنیدون سر سخنیسم باشلینده سوزومی
منده قطع اولدی بیان ولدی یا ولدی
.
.
فرقتون گر چه ایدر بالا شیدا آناوی
چوخ چیتندور آتاسان على لیلا آناوی
ایتمه چوخ غم تاپاسان ایمدی زهرا آناوی
وعده گه باغ جنان ولدی یا ولدی
.
.
دوتولاندا اورگیم علی دلداریمیدون
شاخ عمریم ثمری گل گلزاریمیدون
نوبهاریمده اولان گل بی خاریمیدون
گلشنیم اولدى خزان ولدی یا ولدی
.
.
فرقتون نور دلیم بسکه مشگلدی منه
دوزه بولمز اورگیم بیله اودلی محنه
حشره تک یر ویررم آیاقیم آتدا سنه
منه همدم اولاسان ولدی یا ولدی
.
.
سنبل عشقه اولار پیکرون خوشه على
قبر پاکیم گورونر سنله ششگوشه على
سود امر قارداشیوی آلام آغوشه على
اونا سینه مدی مکان ولدی یا ولدی
.
.
گورن اول قبری دیر بولار هم خانه دیلر
تک به تک بیر بیرینه جان و جانانه دیلر
بیر شراریله یانان شمع و پروانه دیلر
سود امر پیر و جوان ولدی یا ولدی
.
.
اورگون باشی سنون خنجریله سوکولوب
اورگیم قانی آخوب اورگوندن توکولوب
دور نجه گور آتاوین قدی غمدن بوکولوب
گورونور قدی کمان ولدی یا ولدی
.
.
غیرت دینیله وار تائبین دلده غمی
حق دیر حقّی یازار دائم الده قلمی
ایسته وورسون او گوزل قبرون اوسته علمی
ایده قولومجا بیان ولدی یا ولدی
.
.
.
.
.
#اکبریه_تائب_تبریزی
#اکبریه_شهادت
#ای_قزل_قانه_باتان_ولدی_یا_ولدی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  جان وئردی زنداندا ، زهرانین بالاسی #کاظمیه_ابراهیم_قبله

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی