دیر راهب و راه شام
.
✍️ زبدة الاشعار ✍️
?: @nohe_torki
.
حاج داود بیدق داری ( داور )
.
#فارسی
.
ای مرغ سعادت که بر این بام نشستی
تو مرغ خوش الحانِ کدامین چمن استی
.
با من سخن از راز نهانخانۀ دل گوی
اکنون که به بامِ دلِ ویرانه نشستی
.
اِعجازِ تو نازم که به بازارِ محبت
قیمت زِ بُت و بُتگر و بُتخانه شکستی
.
در خلوتِ شب یار شدی با دلِ راهب
پیوندِ من از جملۀ اغیار گُسستی
.
ای سرّ نهانی مگر این چرخ مدوّر
با گردش چشمان تو پیوسته به هستی؟
.
کز مستی چشمانِ تو ناقوس کلیسا
می لرزد و مینالد و افتاده به مستی
.
شد قسمتِ این باده کش پیر خرابات
با نرگس مستِ تو کُند باده پرستی
.
نی عیسی و موسائی و نی یونس و یحیی
ای رأس بریده ز قفا پس که تو هستی؟
.
.
ناگه دو لبِ بندِ دلِ فاطمه وا شد
فرمود خوشا بر تو دلت جای خدا شد
.
.
#ترکی
.
.
محبوب خدا عالم معناده منم من
پیرایه اولان گُنبد میناده منم من
.
گفتاره گلن وقتیده اللّهیله موسی
منظور خدا سینۀ سیناده منم من
.
عیسی که ائدوبدور ئوله نی زنده دعاسی
تأثیرِ دعا معجزِ عیساده منم من
.
تکمیل ائلین درسینی پیغمبر رحمت
عرفانی تاپان دامن زهراده منم من
.
تذهیب ائلیین قانیله دیباچۀ عشقی
عزّت یارادان مکتب طاهاده منم من
.
روحیم قوشی گویلرده ئوزوم خاک نشینم
پرواز ائلیین سدرۀ اعلاده منم من
.
اخیامی چکوب شعله یانان آتش ظلمه
قیزلاری قالان دامن صحراده منم من
.
مقتلده آچان خوان کرامت گئجه یاری
الدن کسیلن بارماقی یغماده منم من
.
.
عریان قالوب الآن بدنیم کرب و بلاده
مهماندی باشیم بیر گئجه بو غملی سراده
.
.
اسلامی قبول ایله سعادت سنون اولسون
چک دیره عزا پرده سی جنّت سنون اولسون
.
بیراهه دی بو معبد و زنّار و کلیسا
دوز یولدا تلاش ائتمگه همّت سنون اولسون
.
دلدن منه یار اول بو گئجه دیرده راهب
محشر گونی تا فیض شهادت سنون اولسون
.
آچ قلب ائوینی عشقیله ذکر ایله تشهّد
مقبول اولونان ذکر و عبادت سنون اولسون
.
فرصتدی گئجه یاری بو خلوت اله دوشمز
یاریله اولان لذّت خلوت سنون اولسون
.
خولی ده لیاقت یوخیدی درک ائده نوری
دیر اوسته دوشن نور هدایت سنون اولسون
.
عزّتدی یارالی باشیما کیم ائده خدمت
خاکستری پاک ایله بو عزّت سنون اولسون
.
سسلن اُسرا ایچره باجیم زینبِ زاری
دیلده ولی بو غملی عبارت سنون اولسون
.
.
وئر باشیمی عرض ایله که ای گوزلری آغلار
داش یاره سینه باخما یانان قلبیوی داغلار
.
.
القصّه مسلمان ائلیوب راهبی سلطان
آلنی یارالی باشی ئوپوب تازه مسلمان
.
اغیاری گوروبدور یوخودا دوردی ایاقه
سسلندی گلون یار گلوب دیریمه مهمان
.
راهب لری جمع ایلدی اُول محفله یکسر
افکارینی دیر اهلینه روشن ائدوب عنوان
.
اعجاز حسینیله فراموش اولوب انجیل
دیری یارالی باش ائلیوب محفلِ قرآن
.
آغوشه آلوبلار او باشی ئوپدیله بیر بیر
حسرتله باخوب زینب اولوب دیده سی گریان
.
سسلندی حسین آیریلقون سالدی ایاقدان
سن اولما رضا زینبووی ئولدوره هجران
.
نصرانیه لطف ائتدون حسین مقصده چاتدی
من چاتمامیشام مقصده ، زینب سنه قربان
.
میدانه گئدن وقتیده بیر بوسه وئروبسن
مست ائتدی او بوسه منی ای شاه شهیدان
.
.
امّا نچه گوندور که فراقوندا خُمارم
الله بیلور الان نجه بی صبر و قرارم
.
.
هر چند گولون نازی اولار بُلبله قارداش
سن لطف ائله بو زینبه آز ناز ائله قارداش
.
فکر ائتمه اگر دیندیره سن واردی گلایم
عشق اهلی دُؤزَر غملره ائتمز گِله قارداش
.
زر وئردی آلوب باشیوی راهب یره قویدی
الان آرامیزدا آزالوب فاصله قارداش
.
دیر اهلینه من باخدیم حسین حسرت آپاردیم
قانلی باشیوی وئردیلر الدن اله قارداش
.
زر یوخدی باجوندا یارالی باشیوی آلسون
غارت منی یاندیردی سالوب مشگله قارداش
.
سؤز پرده لی قالسون نجه بو یوللاری گلدیم
چوخ سوزلری زینب گتورنمور دیله قارداش
.
تار سرِ زلفوندی منه قید اسارت
زلفون دولاشوب بوینوما چون سلسله قارداش
.
دشمن منی چوخ سعی ایلدی سیندیرا امّا
محکم تر ائدوب زینبی هر مرحله قارداش
.
.
توپراقووی تاج سر کیوان ائدرم من
شامه قولی باغلی سنه خاطر گئدرم من
.
.
بازاره چکوب زینبی اول طُرّه ی طرّار
نصرانیده سوداده اولوب تاجر بازار
.
من مشتری ام جان ودلیلن سنه امّا
آلدی سنی مین درهمه نصرانی زردار
.
حیرانم ئوزومده بئله بیر بیع وشرادن
قیمت اولا بیلمز او باشا درهم و دینار
.
لطفوندی سنون شامل اولوب راهبه یوخسا
بوقافله ده باشووه جان نقدی وئرن وار
.
جان نقدینه بیر بوسه منه لطف ائله قارداش
آل زینبووین گویلونی ای عالمه دلدار
.
باشوندن ئوپوم یول آچیلا قیزلارا بلکه
اولسون بالالاردا بوگجه باشووه زوّار
.
ایستور نچه مدّتدی رقیّه م سنی مندن
هجران ائلیوبدور او نیدا من کیمی بیمار
.
کوتاه ائدورم نسگلی ای زنبه غمخوار
قورخوم بودی صحبت اوجالا شمر اولا بیدار
.
.
چاتمادی مراده او گجه دختر زهرا
صبح اولدی یارالی باش ائدوب نی ده تجلّا
.
.
گون چیخدی تجلّایه او گون نیزده گویا
هنگامه ی محشر اولوب اولدوزلارا برپا
.
نوبت یتشوب خیرداجا عاشق ائده صحبت
تا سوره ی عشقی ائده احساسیله معنا
.
دوزلی آدینا قربان اولوم نازلی رقیّه
ئوز سوزلرینی باشلادی بو لحنیله گویا
.
عرض ائتدی بابا سئیره چخان باشووه قربان
آچ گوزلریووی عاشقووه ایله تماشا
.
بیلدیم که گُلابیله جمالون یودی راهب
گر قویسالا منده یوورام اشکیله بابا
.
لیکن سن اوجا نیزده من اللری باغلی
چاتمور سارالان صورتووه دست تمنّا
.
عریاندی ایاقیم یول اوزاق ایستیدی صحرا
بو طرزیله یول گئتمگه یوخ منده توانا
.
سن ایله دعا خسته قیزون ئولمیه یولدا
شاماته یتوب باشووی بیرده گورم اوردا
.
#دیر_راهب
#راه_شام
#ای_مرغ_سعادت_که_بر_این_بام_نشستی
#محبوب_خدا_عالم_معناده_منم_من
#بیدقداری
#فارسی_ترکی
.
✍️ #زبدةالاشعار ✍️
?: @nohe_torki
نظر دهید