زبدةالاشعار

ای مقرب در یزدانه خانم یا زهرا #فاطمیه_سیفی_اردبیلی

در مدح و شهادت حضرت زهرا سلام الله علیها
.
.
.
سیفی اردبیلی
.
ای مقرب در یزدانه خانم یا زهرا
زلفینه حور وران شانه خانم یا زهرا
.
.
سنی هستی یارادان خلقته منصور دیوب
شرف و شانوی فوق ملک و حور دیوب
هرباخاندا یوزوه نور علی نور دیوب
کیم چاتوب بیر بیله عنوانه خانم یا زهرا
.
.
یوخیدی خلقت ایوینده هله جسم و هله جان
لامکان ماخلقه ائتمه مش آماده مکان
دوشمـه مش گردش روز و شبینه سیر زمان
تاپدون آل رحمت یزدانه خانم یا زهرا
.
.
او زمان که نه بهشت و نه جهنم واریدی
نه کرات و نه سماوات و نه عالم واریدی
تپراق اوستونده نه حوا ونه آدم واریدی
سن ایدون آینه یزدانه خانم یا زهرا
.
.
سنی خلق ایتدی خدا جوهر انواریندن
چکدی تصویروی یوز دست هنرباریندن
بذل ایدوب مرتبه وی دولت سرشاریندن
سویگی اولدون حق منانه خانم یا زهرا
.
.
سنده که جلویه جانان یوزی اعلا بویوروب
آفرینشده گوزل حسنووی تنها بویوروب
آد قویاندا سنه سمیتوک زهرا بویوروب
یوخدی بو رتبه هیچ انسانه خانم یا زهرا
.
.
.
خالق جل علا صانع والا عظمت
سنی علت یارادوب خلقته ویردی برکت
قدم پاکون ایدنده یرون اوسته حرکت
چاتدی عالم سر و سامانه خانم يا زهرا
.
.
اولدی تفسیر سنون ادیویله دفتر عشق
یوپدی پاک آللروی شوقیله پیغمبر عشق
ویردیله هاجره زمزم سن ایچون کوثر عشق
یازدیلار مدحوی قرانه خانم یا زهرا
.
.
بشر اولسوندا اگر نور خداجلوه سی سن
کوثرون زمزمه سی غار حرا جلوه سی سن
کعبه مولودی علی، سنده منا جلوه سی سن
آبرو سنده دی دورانه خانم یا زهرا
.
.
بیلمدی قدروی افسوس اولا شیخین دنی
غصب ایدوب حقوی پیران سقیفه علنی
اود وروب درگهوه ثانی چوخ اینجتدی سنی
آستانون بلشوب قانه خانم یا زهرا
.
.
.

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...