زبانحال حضرت زینب کبری (س) در فراق مادرش حضرت زهرا (س)
.
.
#سبک_می_گذرد_کاروان
#سبک_ای_بوغازین_اوچ_پر_اوخ
.
.
رزاقی تبریزی
.
.
ای اوره گی قان ننه
دیده سی گریان ننه
هجرون ایدوب زینبین
قلبینی شان شان ننه
غملرون یاد ایدوب آغلارام
هجرونده سینه می داغلارا
لای لای ننم .. لای لای ننم .. لای لای ننم
.
.
.
.
ای منه آرام جان …حالیمه دلدن یانان
دهریده سندن صورا …یوخدی منه همزبان
قلبیمه هجرون ووردی یارا
زینبی قویدون گیتدون هارا
لای لای ننم .لای لای ننم ..لای لای ننم
.
.
.
.
منله بابام مرتضا … ائوده اولور هم صدا
یاده سالوب غملرون …ایلوری داد و نوا
سسلور الله گیتدی یاوریم
قویدی یالقیز منی دلبریم
لای لای ننم ..لای لای ننم .لای لای ننم
.
.
.
.
ای یارالی یاسمن … قلبین ایدن قان محن
فرقتیوه روز و شب … آغلور حسین و حسن
آغلارا سسلرم جان ننه
غصه دن قدّی کمان ننه
لای لای ننم .لای لای ننم .لای لای ننم
.
.
.
.
غم اورَگین قان ایدَن … صبرینی تالان ایدَن
زینبی آغلار قویوب .. قبره یارالی گیدن
اولمادی دردوین چاره سی
باغلامادی سینون یاره سی
لای لای ننم .لای لای ننم .لای لای ننم
.
.
.
.
زینَتیدون خلقته … مظهریدون عفّته
عالمیان فخر ایدر ..سنده اولان عصمته
آبروسَن الحق خلقته
ویرمیش حسنون صفا جنّته
…..لای لای ننم لای لای ننم ..لای لای ننم
.
.
.
.
مظهر عشق و صفا …معنی مهر و وفا
فخر ایدر عالملره … سنله آتان مصطفا
حقّ اوسته دوزدون هر محنته
جان ویردون راه ولایته
لای لای ننم .لای لای ننم .. لای لای ننم
.
.
.
.
#فاطمیه #فاطمیه_شهادت #ترکی #ستار_رزاقی #زبدةالاشعار
نظر دهید