مدح امام حسن مجتبی (ع)
.
.
علی شهودی
.
.
.
ای پادشاه کشور جود و سخا حسن
وای آستان پاکووه عالم گدا حسن
.
سبط رسول و زاده زهرا و مرتضی
آیینه تمام نمای خدا حسن
.
دریای عشق و شور چاتیب بیر بیره گلیب
ایجاده دُرِّ ناب حسینیله تا حسن
.
سن سن شبیه ، خَلقاً و خُلقاً پیمبره
من مجتبی دییم سنه یا مصطفی ! حسن
.
سرمست ائدیر جهانی شمیم بهشتیله
اولما اسیبدی زلفووه باد صبا حسن
.
انفاق ائدنده یوخسولا دار و ندارووی
کروبیان دییردی سنه مرحبا حسن
.
دنیا و آخرتده یقین سرفراز اولار
هرکیم اولا طریقتووا آشنا حسن
.
سن سن امام صبر و امام مقاومت
جانلار اولا سنین کیمی شاهه فدا حسن
.
نازل اولوبدی شاءنیزه قرآن مُنزله
اِلّا المَوَدّه آیه سی هم هَل آتی حسن
.
هم آیه مباهله ده قید اولان او گون
سیز سیز مراد کلمه ابنائنا حسن
.
عنقا حقیردیر یئتیشه قاف قربووه
دائم ییئر جلالوه حسرت هما حسن
.
درگاه حقده آدم اولوب توبه سی قبول
ائتدی او دم کی آدلاریزا التجا حسن
.
سیزدن بوگون گره کدیر اطاعت ائده هامی
تا اینکه رستگار اولا روز جزا حسن
.
سیز سیز امام، امته قول رسولدور
چه صلح یا قیام ائدسیز مطلقا حسن
.
عمروندا ای اولان فقراییله همنشین
ائت من کیمی فقیره ده بیر اعتنا حسن
.
یالوار شهودی ائیلیه روحی دعا بیزی
آمین دییر ملائکه ائتسه دعا حسن
.
#حسنیه #علی_شهودی #حسنیه_مدح #فارسی #زبدةالاشعار
#زبدةالاشعار 
: @nohe_torki . کربلایی فخرالدین اسکندری( جائد ) . زمانه ایتدی منیم قدیمی کمان آقاجان فراق و هجریوه صد آه و صد فغان آقاجان . ایاقلارون گوزومه قوی بویور قدم رنجه گلن قدملریوه فدیه دور بوبیشتر
نظر دهید