ای کائناتی آغلادان دنیاده زنجیر #سعدی_زمان

خطاب به #زنجیر
مناسبت #کاظمیه_شهادت #سجادیه_شهادت #راه_شام #کوچ_کربلا_سجادیه_شهادت #کوفه #خرابه_شام
..
..
..
#سبک_ای_درد_بی_درمانلارا … 10 سبک … با اضافه کردن واگیر … #سبک_یا_فاطمه_من_عقده_دل_وا_نکردم … و …
مشابه
..
..
..
مرحوم حسینی سعدی زمان
..
..
..
ای کائناتی آغلادان دنیاده زنجیر
آرام و طاقت قویمویان زهراده زنجیر
ـــــــــ
واگیر برای سبک های #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم :
دست علینی باغلادون
چوخ سینه لری داغلادون
دور زماندا
جور زماندا
.
یا
.
شیعه بو ظلمه آغلادی
بو غمده سینه داغلادی
دست بلاسن
ظلم آشناسن
ـــــــــ
..
..
گَه خردا قزلار بوینونا اولدون دوشاخه
گَه غلّ و جامع سیّد سجاده زنجیر
..
..
سندن گلوب گَه حجر کندی قلبی درده(1)
گاهی وورولدون صیفیِ آزاد مرده(2)
گاهی علی پیرولرین هر رهگذرده
ائتدون مقیّد حلقۀ بیداده زنجیر
..
..
اولسون گونون قاره بیزی ائتدون سیه پوش
مالک رقاب عالمه اولدون هم آغوش
سجّادین اولماز بوینونون زخمی فراموش
زنجیر آدی تا واردی بو دنیاده زنجیر
..
..
هر چند اوزونده یوخ سنون فعل و اراده
قلبیم گلور اما سنی گوردوقجا داده
چکدون امامی مجلس ابن زیاده
گلدی علی المرتضی فریاده زنجیر
..
..
سن شاهد اولدون نه جفا اولدی امامه
ظُلّام ، امامین گوندوزین دوندردی شامه
سالدی حرم آهولرین کفّار دامه
سن ناظر اولدون صیده هم صیّاده زنجیر
..
..
هر یرده بیر ظالم گوروب ائتدون اعانت
مظلوملر اَوداجینی قیلدون جراحت(3)
ویرانه ده بیماری گَه ائتدون عیادت
گوردون نلر او سقف سیز مأواده زنجیر
..
..
حال امامه گوئیا سن اودلانوردون
ایستی هواده قلبینی اودلاندیروردون
یاندوقجا بوینین اُول شهین چوخ یاندیروردون
گویا یانوردون عالم معناده زنجیر
..
..
زنجیره دوشدوقجا گوزوم گلَّم نوایه
یانّام بنات حضرت خیرالورایه
گَه دل گوزی شامه باخار گَه کربلایه
فکریم گئدر گَه مجلس بغداده زنجیر
..
..
گوردون نجه کام آلدی اولاد سُمیّه
جور و جفادن دویمادی آل اُمیّه
ویرانه کنجینده غریب ئولدی رُقیّه
گورسندی محشر عترت طاهایه زنجیر
..
..
بزم یزیدی شامده گه یاده سالّام
گه خردا قزلار حالینه حیرتده قالّام
گاهی سسون بغدادده زنداندان آلّام
چون شطّ آخار اشکیم، گلر دل داده زنجیر
..
..
شعرون زبانِ حالدور ساده «حسینی»
زین العبادی آغلا سال یاده «حسینی»
زنجیره باخ گل نی کیمی داده «حسینی»
گورمز عزاداری اونون عقباده زنجیر
..
..
..
(1)حُجْر بن عَدیّ بن جَبَله کندی، صحابی پیامبر(ص) و از یاران خاص امام علی(ع) و از بزرگان کوفه بوده است.
(2)صیفی بن فسیل از بزرگترین یاران حجر ابن عدی بود که به جرم حمایت از علی(ع) بدستور معاویه بشهادت رسید.
(3)اوداج=شاهرگها،رگهای گردن
..
..
متن دیگر خطاب به زنجیر از #حجازی_تبریزی
#ندن_گلدون_بئله_طغیانه_زنجیر
..
..
#ورود_محرم #اصحاب_الحسین #راه_شام
#کوچ_کربلا_کاظمیه_شهادت
#سجادیه_شهادت #خرابه_شام
#سعدی_زمان
#ای_کائناتی_آغلادان_دنیاده_زنجیر
#آثارالحسینی1 ص 326
#ترکی
#زبدةالاشعار