شهادت حضرت رقیّه (س)
..
..
مرحوم نادری میانجی
..
..
سس دوشوب ویران سرایه تازه بیر مهمان گلور
نصف شب شهزاده سین یاد ایلیوب سلطان گلور
..
..
وارنه علت بس گجه سیره چخوبدور آفتاب
نظمنه آفت یتوب اولسون فلک چرخون خراب
قرمزی قاندان شفقدور گل یوزه سالمش نقاب
کثرت خفاشدن خورشید اولوب پنهان گلور
..
..
دوشدی سس ویرانیه عزم ایلیوب شاه حجاز
آهوان دشت غمله ایلسون راز و نیاز
چیخدیلار ویرانه دن ایتسونله شاهی پیشواز
هامّودان اوّل قباقجا زینب نالان گلور
..
..
عرض ایدوب جانانه ویردون جانی دینجلدون حسین
هجر پیکانیله اودلی قلبیمی دلدون حسین
منزل ویرانیه لطفیله خوشگلدون حسین
قالب بی روحیمه گویا دوباره جان گلور
..
..
گه ایدرسن راهب نصرانی دیرنده مکان
گاه لمس ایلر دوداقون ظلم الیله خیزران
گه اولورسان خنچادا روپوشین آلتندا نهان
قطره قطره قان یوزونده لؤلؤ مرجان گلور
..
..
چون یره قویدی حسین باشین ایدوب زینب قیام
فرض ایدوب نازلی رقیّه خنچادا واردور طعام
عرض قیلدی عمّه جان اوچگوندی من گرچه آجام
لیک یوخ میلوم غذایه میلیمه نقصان گلور
..
..
کاسۀ صبریم دولوب ای عمّۀ والامقام
ایسترم گلسین سفردن یانیمه ایندی بابام
امر ایدوب زینب گوتور سرپوشی ای بیکس بالام
گوزلرون روشن بابان گورماقیوه گریان گلور
..
..
آچدی سرپوشی رقیّه تا اولا اسرار فاش
گوردی واردور سینی اوسته بیر یارالی قانلو باش
وای منه فریاد ایدوبدور گوزلریندن توکدی یاش
بس ندور علت بابا جان لبلروندن قان گلور
..
..
اسدی چون باد خزان سن گُلدن آیریلدون بابا
گُلشنون تاراج اولوب بلبلدن آیریلدون بابا
بیلمرم علت نه اولدی ائلدن آیریلدون بابا ؟
وصلت ایّامی قوتاردی موسم هجران گلور
..
..
سن مسافرسن گلوبسن یوخ ایدن احسان سنه
ذبح ایدن یوخدور یول اوسته قوچ قوزی قربان سنه
هیچ زادا یوخدور گمان قربان اولا بو جان سنه
عفو قیل چون سن گیدن وقتن بیزه تالان گلور
..
..
قانلو باشیله گلوبسن گُل کمی پیکرهانی ؟
بس عموم عباسه نولدی قارداشم اکبرهانی ؟
قاسم ناکام هاردا تشنه لب اصغر هانی ؟
اولمیا اونلار بابا جان چوخ اوزاخ یولدان گلور
..
..
چوخ گلایم نادری وار گردش ایّامدن
یاز مصیبت ماجراسین سن خرابه شامدن
بستری تپراق ، متکّا اولدی خشت خامدن
سقف سیز ویرانیه شاه جهان مهمان گلور
..
..
..
..
#حضرت_رقیه #نادری_میانجی #حضرت_رقیه_شهادت #ترکی #زبدةالاشعار
نظر دهید