زبانحال حضرت زینب (س)
.
✍️زبدة الاشعار✍️
.
🆔: @nohe_torki
.
سبک: ای شاه مظلومان حسین … آی قارداشیم آی قارداشیم …
.
.
مرحوم حاج حیدر خوندل
.
ای کوی عشقین تشنه لب
قربانی گل قارداش حسین
زینب گلن یولّاروین
قربانی گل قارداش حسین
.
.
من کربلا یعقوبیم
ای یوسف ملک حجیز
آدون دلیمده کوینگین
سینمده اولام اشکریز
گل پافتاده باجیوی
آخر نفسده دوت عزیز
جان اوسته گوزلر گوزلریم
جانانی گل قارداش حسین
.
.
غربتده یوخ بیر همدمیم
دلدن آلا آلامیمی
قورتاردی عمریم زحمت و
آلام صبح و شامیمی
اما آلوب هجران غمی
دلدن ایله آرامیمی
یوخ بوندان آرتوق دوزماقین
امکانی گل قارداش حسین
.
.
من بیر غریب و بیکسم
یوخدور یانیمدا بیر حبیب
نه بیر گلن وار نه گئدن
نه آشنا نه بیر طبیب
کیم قبره تاپشورسون منی
ئولسم بو غربتده غریب
وار گوزده سیل اشکیمین
طوفانی گل قارداش حسین
.
.
سن جان وئرن ساعتده من
سوزیله سینه داغلادیم
سیل سرشک قلبیمین
قانین عذاره باغلادیم
گلدیم او حالتده باشون
اوسته باش آچدیم آغلادیم
دولدوردی قانلی گوز یاشیم
دامانی گل قارداش حسین
.
.
تصمیم آلوب اوز عشقینه
بیر امتحان ویرسون باجین
عشق اهلینه مین رمزیله
عشقین نشان ویرسون باجون
گل سنده بیر قران اوخی
آسوده جان ویرسون باجون
بلسون هامی عشقین ندور
میزانی گل قارداش حسین
.
.
آرتور فراقین سوزشی
قلبیم یاراسی قان ویرور
نه سوز سینم اسکیلور
نه گوزیاشیم امکان ویرور
غربتده سنسیز زینبین
مین حسرتیله جان ویرور
واراشک آلی خاطرِ
سوزانی گل قارداش حسین
.
.
قارداش اسیر عشقووَم
قلبیمده دور عکسین مدام
یارین وصالونله تاپار
هجران یاراسی التیام
فکریم حسین ذکریم حسین
وردیم حسیندور صبح و شام
وار هر سوزیمده بیر حسین
عنوانی گل قارداش حسین
.
.
.
.
#سبک_ای_شاه_مظلومان_حسین ( 5 سبک سینه و زنجیر)
.
#زینبیه_شهادت
#ای_کوی_عشقین_تشنه_لب
#خوندل_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید