زبانحال حضرت زینب علیها سلام
در کوفه
.
#زبدةالاشعار
.
: @nohe_torki
.
مرحوم غلامعلی باقری الهامی (هوشی تبریزی)
.
ای گزن نوک جدایه سرپرخونی حسین
بیرده قرآن اوخی شاد ایله بومحزونی حسین
.
آختاروردوم نچه مدتدی حسین جان سسیوی
که آلام بیرده قولاقه من نالان سسیوی
تااشیتدیم یارالی نیزه ده قرآن سسیوی
بوگوزل صوتون اولدوم ایله مفتونی حسین
.
.
دلده آرتدی شعفیم ای مه گردون شرف
دولدی بودرسرشگیله گوزوم مثل صدف
دولانوب نیزه ده باخدوم بوگوزل باشه طرف
قلبیمین اولدی زیاده غم افزونی حسین
.
.
گوردوم ایلوبدر باشون نیزه نی بیروادی طور
پرتو افکندی هامی عالمه بو جلوۀ نور
وارجمالوندا حسینیم ولی آثارتنور
آتش حسرته یاندوردی بودلخونی حسین
.
.
اوجالوب نیزییه باشون نه گوزل کامه چاتوب
حق یولوندا بوهامی عزتینی باشدان آتوب
بیله معلوم اولوری بوگجه کول اوسته یاتوب
قانلی کول اورتوب عجب بورخ گلگونی حسین
.
ظلمدن من دیمورم دشمن بی شرم دویوب
هرجفا تیری دل زینب نالانی اویوب قویوب
رستگار اولماسین عالمده او ملعونی حسین
.
بنزوری نیزه ده بیر نیررخشانه باشون
دست ظلمیله اگرچه بلشوب قانه باشون
لیک تفسیریازورآیۀ قرآنه باشون
سالوری صورته هرنکتۀ مکنونی حسین
.
.
کیم گوروب بیرباشی شرح بیله آیات ایلیه
نوک نیده اوجالوب سیرمقامات ایلیه
حق کلامین بله نا حقلره ثبات ایلیه
دعوت حق اولا هرکلمه ده مضمونی حسین
.
.
خوشدی عشق اهلینه بوطرزخوش الحان اوخوماق
نیزه باشینده کلام حق سبحان اوخوماق
واقعا روحیمه لذتدی بوقرآن اوخوماق
اوخی ذکرایله کلام حق بیچونی حسین
.
.
گوردون عالم گوزومه تنگ دورازبس یارالی
قویمادون زینبی بوشهرده بیکس یارالی
نه گوزل وقتده ویردون سسیمه سس یارالی
باشیمه سالدون عجب ظل همایونی حسین
.
.
بوگوزل لحنیویله نیزه ده قرآن اوخی سن
دینی تبلیغ ایلیوم ناقۀ عریانیده من
باجی قارداش ایلیاخ حقوی دنیایه علن
قویمیاخ جدیوین الدن گیده قانونی حسین
.
.
اصل مذهب ندی بیرنوعیله اظهارایلیاخ
جام جهلین هامی سرمشقینی هشیارایلیاخ
خواب غفلتده اولان ملتی بیدارایلیاخ
بیرجهان شیعه میزین تااولا مدیونی حسین
.
.
اوزماندان که اولوب قانلی باشون زیب سنان
یغمیسان باشیوه یتمیش ایکی باش پیروجوان
منده جمع ایلمیشم باشیمه ای شاه جهان
قرخادین غمزده لیلا کیمی مجنونی حسین
.
.
من دیمم بیرگوزون آچ زینب بی یاریوه باخ
یا کی بیرعده سیه پوش عزاداریوه باخ
لیک بیرایله نظرعابد بیماریوه باخ
سیرقیل اوندا بیراحوال دگرگونی حسین
.
.
گرچه ایلورچوخ اذیت بوجماعت باجیوا
گه چالورکف ایدوری گاهی شماتت باجیوا
ویرموسن لیک اوزون درس شهامت باجیوا
ای اوزی ملک وفانین مه گردونی حسین
.
.
انجمم اشکیمی بوعارض ماهه دوزرم
سانما عشقونده سنون رشته صبری اوزرم
صبرایدوب هرنه بلا گلسه دایانام دوزرم
زینبم هرغمین آفاقیده ممنونی حسین
.
.
گرچه هجرونده بوگوزیاشیمی چون ابرایدرم
بوغمی مونس جان تا بدم قبرایدرم
زینبم ایله بلا لرده ولی صبر ایدرم
صبریمین اهل جهان تا اولا مرهونی حسین
.
قان اولان اشکیمی رخساریمه گوزدن الرم
داغدیده دلیمی تیرغمیله دلرم
هریانا گتسه باشون آردیجه قارداش گلرم
گوزی یاشلی گزرم دشتیله هامونی حسین
.
.
.
.
#کوفه_هوشی_تبریزی
#ای_گزن_نوک_جدایه_سر_پر_خونی _سین
#ترکی
.
#زبدةالاشعار
.
: @nohe_torki
نظر دهید