زبدةالاشعار

تا یتوب سرحد عشقه قافله سالار عشق #ورود_کربلا_طوری_تبریزی

ورود به کربلا
..
..
مرحوم طوری تبریزی
..
..
تا یتوب سرحد عشقه قافله سالار عشق
اولین و آخرینه ایلدی اظهار عشق
..
..
محضر جاناندا اولدی تا شرفیاب حضور
ظلمت کفریله گوردی محو اولوب آیات نور
ایلدی سرّ شهادتله او صحراده ظهور
فرشدن عرشه اوجالدی لمعۀ انوار عشق
..
..
شهر دینه عشقیده نصب ایتدی بیر بیرق یره
جلوه ویردی پرچمی اسلامه هم رونق یره
بیر حقیقی مطلب اوسته حق یولوندا حق یره
رأی ویردی قانینی ناحق توکه کفّار عشق
..
..
ناطق قرآن گوروب قرآن چخوب شیرازه دن
دین اولوب برهم گیچوب ظلم عدو اندازه دن
قانیله جدّی قویان قانونی یازدی تازه دن
منجلی اولدی او گوندن گون کیمی آثار عشق
..
..
گوردی دریا تک او صحراده آخور نهر فرات
اسم غمناکی ویرور ذوق اهلینه روح حیات
امتّه یوخدور او یردن آیری بیر باب نجات
ویردی وسعت هر طرفدن دورت آقاج معمار عشق
..
..
بارگاه کبریایه ایلدی اوّل نگاه
قرب وصل یاره گوردی بیر طرفدن یوخدی راه
ایستدی آچسون حریم قدس یاره شاهراه
نوک تیره قلبینی ویردی نشان سردار عشق
..
..
بیر نچه گوندن صورا گون اولدی عاشورا گونی
عترت پیغبرین باشلاندی واویلا گونی
ایلدی شام اهلی ظلمیله شب یلدا گونی
گون او گوندن شام اولاندا ایلر آه و زار عشق
..
..
حق یولوندا ویردی قربان عون و فضل و جعفری
قاسم و عباسیله جدّی شبیهی اکبری
ایلدی فدیه الی اوسته علیِّ اصغری
قویمادی بیر سوز یری بی کس ایده انکار عشق
..
..
قویمادی دشمن حسینون یرده قانی خشک اولا
خیمه سین یاندوردی باغلاندی عیالی قول قولا
بو کفایتدی نجه یولاندی آل الله یولا
قتلگهده اولدی باجی قارداشا دیدار عشق
..
..
صدقیله « #طوری » حسینه اولسا هر کیمسه دخیل
هر ایکی دنیاده باللهی تاپار اجر جزیل
نوحه نی ختم ایلیوب عرض ایله یاربِّ جلیل
ایله آلتی گوشه لی قبره بیزی زوار عشق
..
..
#ورود_کربلا
#تا_یتوب_سرحد_عشقه_قافله_سالار_عشق
#طوری_تبریزی
#ترکی
#زبدةالاشعار

متن پیشنهادی:  غریب آتان زهریلن ئولوب سامراده یامهدی #عسکریه_حجت_مرتضایی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی