در جلالت حضرت زهرا (س) گریز به مصیبت
.
.
حاج تقی جابری تبریزی
.
.
ای گوزل اسمی عرشه پیرایه
کون و امکان صفاسی یا زهرا
مظهر عفّت و صفا و ادب
اوج عصمت هماسی یا زهرا
.
.
وصفه گلمز جلال و مرتبتون
ای جلالت سپهرینه اختر
سنی خلق ایلیوبدی حیّ ودود
عزّت و شأن و جاهینه مظهر
سنه بیر منزلت عطا ایلیوب
ایکی عالمده خالق داور
فوق ادراک خلق عالمدی
حیّ اعلا عطاسی یا زهرا
.
.
یاراداندا خدای عالمیان
سنی اسطورۀ صفا یارادوب
ذات اقدس وجود اقدسیوی
پارۀ جسم مصطفا یارادوب
گون کیمی عالمه مبرهندور
سنی باشدان باشا صفا یارادوب
او صفادن یقین آلوبدی صفا
کعبۀ حق صفاسی یا زهرا
.
.
سنسن ای منبع کمال و وفا
عالمین ایچره منشأ برکات
بویوروبدور رسول حق هر کیم
سنه صدقیله گوندره #صلوات
امر داداریله رقیب و عتید
سیّئاتین سیلر یازار حسنات
پاک اولار نامۀ عملده اولان
کلّ خبط و خطاسی یا زهرا
.
.
سنسن ای فخر احمد مرسل
هیکل زهد و فضل و قدس و ورع
دست قدرت خلایق ایچره خانم
سنی ایلوبدی سرّ مستودع
سنسن آخر عصارۀ خلقت
سنه خاطر اولوب بو امر وقع
کُنهِ ذاتوندی علّت خلقت
ای جلالت سزاسی یا زهرا
.
.
اولا بالفرض عشق بیر دریا
سن او دریاده ناب گوهرسن
ویره بولمز عیار بیر صرّاف
درّ گنجینۀ پیمبرسن
کون و امکانه علّت ایجاد
عرض ممکناته جوهرسن
سنسن اکسیر فوق فهم بشر
ذات حق کیمیاسی یا زهرا
.
.
گون دیوم طلعت منوّریوه
هانی گونده او جلوه و او ضیا
آی دیوم مه جبینیوه یوخ یوخ
هانی آیدا او روشنی او جلا
نور پاکون یارانمییدی اگر
خلق اولونمازدی ماخلق اصلا
مه و خورشیدی ایلیوب روشن
طلعتون انجلاسی یا زهرا
.
.
عصمت اللّهسن ای حبیبۀ حق
یوخ بو مبحثده اوزگه بیر مطلب
یارادوبدی خدای عزّ و جلّ
سنی هر زشت و رجسدن اطیب
دفن اولاردی سنیله حجب و عفاف
اولماسیدی اگر قیزون زینب
سنه بنزردی زین اب قیزیوین
هیکل حق نماسی یا زهرا
.
.
نجه زینب اناث خلقتده
یوخ نظیری جلال و عصمتده
یکّه تاز اولدی عرصۀ عشقه
حجب و عفّتده شأن و شوکتده
گورمیوب چشم عالم امکان
بیر خانم بیر بیله جلالتده
عزّت و شوکتین حکایت ایدر
کربلا ماجراسی یا زهرا
.
.
نه دیلیله خانم بیان ایلیوم
حشمت و هیبت و صلابتیوی
نیلیوم خامه مستعدّ دگل
آچا تقریر ایده شهامتیوی
ولی ثبت ایلیوبدی خامۀ عشق
مرتضادن ایدن حمایتیوی
مرحبا همّت و رشادتیوه
ای ولایت فداسی یا زهرا
.
.
#گریز
.
.
داد او دمدن توکولدی اهل جفا
ووردی اود باب رحمت اودلاندی
باب رحمت آلیشدی ظلمیله
قلب پاکون یانوب اولولاندی
سسلدون فضّه گل بالام ئولدی
شرر ظلمیله قاپوم یاندی
پشت درده قالوب یارالاندون
گیتدی جسمون قواسی یا زهرا
.
.
محنتون عمریده چوخ اولدی ولی
ایله بیر محنت اولمیوب اولماز
وار یقینیم سنه او حالتدن
غصّه لی حالت اولمیوب اولماز
اسداللهه ده او ساعتدن
بیر چتین ساعت اولمیوب اولماز
انتقامون آلاردی اعدادن
قویمادی حق رضاسی یا زهرا
.
.
«جابری» روسیه دی جاهلدی
سیزه نوکرلیقا دگل لایق
دوت الیندن یازیخدی غفلتی وار
ایله ابرار جمعینه لاحق
گر چه لایق دگل و لیکن سیز
اهل بیته اوزون ایدوب عاشق
ای کرم کانی مرحمت ایله
واردی بیر التماسی یا زهرا
.
.
التماسی بودور هراساندی
قبریدن عرصۀ قیامتدن
غرق دریای جرم و عصیاندی
الی بوشدور ثواب و طاعتدن
جان مولا علی عنایت ایله
بی نصیب ایلمه شفاعتدن
سنسن آخر بسیط محشرده
ناامیدلر رجاسی یا زهرا
.
.
#جابری تبریزی #فاطمیه #فاطمیه_مدح #ترکی #زبدةالاشعار
نظر دهید