شهادت حضرت علی اکبر (ع)
..
..
#سبک_یارالی_جان_یارالی … 4 سبک
مشابه
..
..
مرحوم انور اردبیلی
..
..
ای گوزل گوزلری طاها گوزینه بنذر اوغول
یومولوب غنچه کیمی حیف او قرا گوزلر اوغول
..
..
واردی حمدیم ایلدون تخت شهادتده جلوس
شاهد حقّه نه طوى صحبتی خوشدی نه عروس
اللروندن گرک اسماعیل و یوسف ایده بوس
سنی عشق ازلی ایتدی همایونفر اوغول
..
..
نه غمون واردی جلال ابدی چاتدی سنه
جان ویروب خلعت جانانی گیندون بدنه
غم منیمدور که قضا تیر بلا آتدی منه
یولداشیم غصّه دی تا دامنۀ محشر اوغول
..
..
لیلینون بیرده چتیندور اولا روشن سحری
گیجه گوندوز آخاجاق گوزلریمون اشک تری
سنی گورجک اوخودوم آیۀ شقّ القمری
بولوب اون دورد گیجه لیک ماهیمی بیر خنجر اوغول
..
..
..
پایین پاده اوتوردوم یره قلبیمده شرر
ایاقوندان من ئوپوم لبلریوی عمّون ئوپر
بیردی قسمتده کنیز و خانمون فرقی مگر؟
بو بویون سهمی گرکدور اولا عالی تر اوغول
..
..
اولدی گلخانه محیط حرم میر هدا
آپارا عطروی صغرایه هانی باد صبا
گیزلدوب قامتوین شکلنی هر چند عبا
گل کیمی پیکرون اولموش بُلورم پر پر اوغول
..
..
یوخدی امکان گوزومون یاشنی گوزدن سیله سن
مستمندم منه احسان ایده سن بیر صله سن
قویورام قلبیمون اوسته ایاقون تا بُله سن
قفسینده نجه قوش تک اورگیم تیترر اوغول
..
..
باشوین یاره سنه باخدیم ایتوردوم اؤزومی
جان ویرن تک گھی آچدیم گھی یومدوم گوزومی
نه اؤزومدن خبریم اولدی نه بُلدیم سوزومی
سوزینی یاخشی دیه بُلمز اسن لبلر اوغول
..
..
جسموین یاره سنه یوخدی دیین سای گوزلیم
وای دیوم یا که دیوم من سنه لای لای گوزلیم
باشوین یاره سینه باخدوقجا آی گوزلیم
یری وار لیلی سَپَه باشینه خاکستر اوغول
..
..
یدّی یول دیلده دیوب وا ولدی میر اُمم
باشوین اوستونه میداندا قاچوب یدّی قدم
یوزوم اوسته سورونردوم بوراجاق قلبده غم
مانع اولدی آنووا عترت پیغمبر اوغول
..
..
لشگر غصّه ایدور لیلیه هر لحظه هجوم
بلمورم هیچ اوتوروم یا که ایاق اوسته دوروم
یومولان گوزلرون آچ باخ منه بیر یول گنه یوم
سنه زحمتدی نچاره اورگیم ایستر اوغول
..
..
اشکیمی ایتمشیدوم ماتموه گوزده گلاب
خیمه دن چخماقا اما یوخودی قلبیده تاب
صاقیمی دوتدی سریّه صولومی دوتدی رباب
خانم عمّون باشما سالدى قرا معجر اوغول
..
..
تا نفس واردی گرک قاره سالام قاره گیم
ائلیمه چاتمادی ال لیلی آدامسیزدی دییم
دورد دایوندان بیری یوخ دردیمی اظهار ایلیم
آختارار قارداشنی اوغلی ئولن خواهر اوغول
..
..
#اکبریه #انور_اردبیلی #اکبریه_شهادت #ترکی #زبدةالاشعار
نظر دهید