ای گوز آغلا حضرت موسی الرضا آغلار بوگون #جوادیه_حافظی_تبریزی

در شهادت حضرت امام جواد علیه السلام
.
زبدة الاشعار
?: @nohe_torki
.
مرحوم حافظی تبریزی
.
ای گوز آغلا حضرت موسی الرضا آغلار بوگون
نوجوان اوغلی اولوب مسموم آقا آغلار بوگون
سندہ ساخلا عزا
دردیوه قبل دوا
بو امامی بلر
شیعه مشکل گشا
.
.
ساکنان عالم بالا اولوب ماتم نشین
باغ جنتدہ پریشان دلدی ختم المرسلین
بو مصیبتده معزّا دور أمير المومنین
هم صدا دور مرتضا و مصطفی آغلار بوگون
.
.
آل اطهارین جوادی منبع جود و کرم
کامیاب اولدی شهادتدن دوتوب آفاقی غم
وار گمانیم عالم معناده ایمدی دم بدم
وای اوغول سسلر خانم خير النساء آغلار بوگون
.
.
اولدی ام الفضل جعده بی وفا تک خیره سر
عاطفتدن شوهره نسبت ایدوب صرف نظر
زهر ویردی ایلدی پیغمبر اوغلون خونجگر
کهنه دردی تازه لندی مجتبا آغلار بوگون
.
.
سم مهلکدن اولوبدور حضرته عارض عطش
اوندا کی رنگی سارالمشدی عطشدن ماه وش
ایلدی سو أوسته اونلان اوز عیالی کشمکش
ياد ایدر بو حالی ياد و آشنا آغلار بوگون
.
.
بیر کنیز الده گتیردی نقل اولوب بیر جام آب
گلدی ام الفضل آلوب سو جامنی قیلدی عتاب
ويرمه سو قوی تشنه لب جانویر سین ای خانه خراب
باخما بو درد و بلايه مبتلا آغلار بوگون
.
.
بو سوسوز الماقدان اولماز ایلماق صرف نظر
محتضر انسانون استسقاسی آساندور مگر
بو مصیبت ذکر اولاندا جدينه ایلر اثر
عرض ایده بلم غریب کربلا آغلار بوگون
.
.
وئردی جان اوسته سوسوزلوق دردی چوخ رنج و تعب
ساقی آب حیات القصه ئولدی تشنه لب
چکدیله نعشين أو جادبام اوستونه يالالعجب
دشمنين بو ظلمنه آل عبا آغلار بوگون
.
.
اولدی اما دشمنین عکس خیالی ماجرا
گلدی اوچ گون صبح وقتی بوس ایدوب باد صبا
دولدی عطر عنبر و کافور و مشگيله فضا
ویرمه شرح ای دل دی سن ارض و سما آغلار بوگون
.
.
سالدیلار مسلم کیمی آخر یره گل پیکرین
ظلم اوتوندا قلبينی يانديرديلار پیغمبرین
قویدولار آغلار ئولونجمه اهل بیت اطهرین
یاد او مظلومیت اولسا ماسواء آغلار بوگون
.
.
رسم شرعيله ولى تشييع أولونسا گل بدن
قالمادی جدی حسین تک یرده اوچ گون بی کفن
سوز بله گلدی گذشت ایله آقایابن الحسن
چون ایشدسه بوسوزی اهل کسا آغلار بوگون
.
.
بیلمرم عمّن نه حاله قالدی یا صاحب زمان
اوندا کی جسم حسینی تاپدی عریان ناگهان
سسلدی قارداش سن اولدون گل من اولدوم باغبان
هم گله هم باغبانه اقربا آغلار بوگون
.
.
شیعه ای خلص وفات حضرتی یادایلدی
حافظ قرانی یعقوبیله ارشاد ایلدی
بیر گونون عرضینده انشا اولدی بیداد ایلدی
اوندان اوتری شیعه لر ساخلار عزا آغلار بو گون
.
.
#سبک_زینبم_جان_اوستیم ( 4سبک)
.
#جوادیه_شهادت
#ای_گوز_آغلا_حضرت_موسی_الرضا_آغلار_بوگون
#حافظی_تبریزی
#ترکی
.
#زبدةالاشعار
?: @nohe_torki