کوچ از قتلگاه
وصیت حضرت اباعبدالله الحسین علیه السلام
#شیعتی_مهما_شربتم_ماء_عذب_فاذکرونی (1)
.
.
مرحوم شانی تبریزی
.
.
شاه مظلومان یتوردی کربلادن بو پیامی
ای سکینه مندن ایله شیعیانه بو سلامی
ایچسه لر هاردا سرین سو گورسه له هاردا سوجامی
یاده سالسونلا او دمده من غریب تشنه کامی
«شیعَتی مِهمَا شَرِبتُم ماءَ عَذبٍ فَاذکُرونی»
.
.
گر ایشتسوز بیر غریب وبیکس و بی اقربائی
بیر وطن آواره سی یالقوز قالان بی آشنائی
جان ویروب غربتده تنها مستمند بینوائی
مندن اوتری ایلیون ندبه چکون آه و نوائی
«اَو سَمِعتُم بِغَریبٍ اَو شَهیدٍ فَاندبونی »
.
.
کاش بو یالقوز قالان وقتمده بیر یولداش اولیدی
محرم رازیم اونا راز نهانم فاش اولیدی
اکبریم تک بیر اوغول عباس تک قارداش اولیدی
روز عاشورا یانمدا شیعه لر ایکاش اولیدی
«لَیتَکُم فی یَوم عاشورا جَمیعاً تَنظُرونی»
.
.
اللریم اوسته باخاندا اصغر شیرین زبانه
آغلادی آتلاردا حتّی گلدی دشمنلر فغانه
حرمله رحم ائتموب اما آل آتوب تیر کمانه
کوردی سویوخدور بوغازین ایلدی تیره نشانه
«کَیفَ اَستَسقی لِطِفلٍ فَاَبوا اَن یَرحَمونی»
.
.
سسلدیم هر قدر لشکر من عزیز مصطفایم
پارۀ قلب بتولم نور عین مرتضایم
هم امامم هم امام اوغلی بولورسوز پیشوایم
تولد ورور سوز نه گناهیم وار غریب بینوایم
«وَ انَا السِّبطُ الَّذی مِن غَیرِ جُرمٍ قَتَلونی»
.
.
سنکه گوردون آخر الأمر ایش هارا یتدی سکینم
شیعه لر دوزمر ایشتسه نولدی ای ماه مدینم
گوردیلر دردیله مالامال دور قلب حزینم
چاپدیلار آت، آت ایاقی آلتدا قالدی اوخلی سینم
«وَ بِجرد الخَیل بَعد القَتل عَمداً سَحَقونی»
.
.
ایمدی که واردور سنه شأنی بوشاهون التفاتی
سنده توفیق ایسته تا ترک ائتمه بوباب نجاتی
اوز دلیله اوخشاسین هر کیم گرک واردور ثباتی
خوشدی بس اسباب ندبه اولسون ئوز فرمایشاتی
«شیعَتی مِهمَا شَرِبتُم ماءَ عَذبٍ فَاذکُرونی»
.
(1) با کلیک بر روی مصرع زیر ، اشعار مرحوم #سعدی_زمان و #صامت_بروجردی را در این موضوع مشاهده بفرمایید.
#شیعتی_مهما_شربتم_ماء_عذب_فاذکرونی
.
#کوچ_کربلا #شانی_تبریزی
#شاه_مظلومان_یتوردی_کربلادن_بو_پیامی
#ترکی #شیعتی_شانی_تبریزی
#زبدةالاشعار
نظر دهید