بابا دایانما داده گل یارالیم یارالیم #اکبریه_صافی_تبریزی

استمداد حضرت علی اکبر (ع) در دم واپسین
.
#زبدةالاشعار
.
: @nohe_torki
.
#سبک_دل_شب_ایلیوب_سفر … بیش از 4 سبک ( با اضافه کردن واگیر : #سبک_الهی_دفن_ایدیم_نجه … #سبک_تا_مشکتو_تو_آب_زدی … )
مشابه

.
مرحوم صافی تبریزی
.
بابا دایانما داده گل
یارالیم یارالیم
گلوب سراغیمه اجل
یارالیم یارالیم
.
.
آخوبدی قانی باشیمون باتوب قانا یوزوم گوزوم
بو حالتیمده گورمه سم او گل یوزون نجه دوزوم
نه چاره ممکن اولمادی یتم حضوریوه ئوزوم
بابا دایانما داده گل ، یارالیم یارالیم
.
.
ز بسکه چوخ جفاسی وار بو قوم کینه پرورون
ووروبلا أوخ اوخ اوستونه دوشوبدی دلدن اکبرون
بو چولده سن امیدیسن تمام زار و مضطرون
بابا دایانما داده گل . یارالیم یارالیم
.
.
شکسته ایلیوب عدو وفایه بسته گوگلومی
گلوی دوباره بسته قیل ، منیم شکسته گوگلومی
یتور شفالی شربته ، مریض و خسته گوگلومی
بابا دایانما داده گل ، یارالیم یارالیم
.
.
قلج وورانلار اوخ آتان ، دوروبلا هر کناردن
یارا ووروبلا متصل ، سالوبلا اختیاردن
آماندی قورتار ای بابا ، منی بو انتظاردن
بابا دایانما داده گل ، یارالیم یارالیم
.
.
سنون یولوندا مین بیله یارا یتیشسه سانمارام
خوشام شکایت ائتمرم ، دله گلوب اوسانمارام
یتوبدی پیک کوی حق ، گرک گیدم دایانمارام
بابا دایانما داده گل ، یارالیم یارالیم
.
.
نه بیوفادی جان وئروب سنون یولوندا ئولمه سون
ئولین دمینده آغلاسون ، باخوب یوزیوه گولمه سون
ولی گلنده دادیمه ، باجیم سکینه بولمه سون
بابا دایانما داده گل ، یارالیم یارالیم
.
.
آنام ایشیتسه حالیمی ، یقیندی سینه داغلاماز
ئوزی سالوب یولا منی ، وفاسی واردی آغلاماز
اگر سن ایمدی گلمه سن ، گوزومی کیمسه باغلاماز
بابا دایانما داده گل ، یارالیم یارالیم
.
.
.
سنون کیمی عزیز دل اگر هرایه گلمه سه
دوتوبدی قاتلیمی قان ، گلوبدی باشیمی کسه
تفضّلاً تلطّفاً ، ئوزون یتور بو بی کسه
بابا دایانما داده گل ، یارالیم یارالیم
.
.
یولومی کسدی اهل کین خیامه من گلنمدیم
تسلّی وئرماقا ئوزوم آنامه من گلنمدیم
قدوم پاکوه سنون سلامه من گلنمدیم
بابا دایانما داده گل ، یارالیم یارالیم
.
.
یارالی سینه می خوشام گلن اوخا نشان وئرم
که سو یرینه گلشن وجوده تازه قان وئرم
باشیم دیزونده راضیم ئولم دوباره جان وئرم
بابا دایانما داده گل ، یارالیم یارالیم
.
.
دلیوی، « صافی » آنلاماز مگر اولانلار اهل دل
هزار شکر ائتمیوب سنی صفای دل دو دل
سنه یقین ائله بو گون یتیشدی غیبدن بو دل
بابا دایانما داده گل ، یارالیم یارالیم
.
.
#اکبریه_شهادت
#بابا_دایانما_داده_گل_یارالیم_یارالیم
#ترکی
.

#زبدةالاشعار
.
: @nohe_torki