زبدةالاشعار

باتمادی قانه حسین تا شیعه لر قان آغلاسون #حسینیه_محمدرضاصادقی

درشهادت حضرت سیدالشهدا (ع)گریز به قتلگاه
.
.
.
محمد رضا صادقی
.
باتمادی قانه حسین تا شیعه لر قان آغلاسون
یا هر ائیل اون گون محرم باشه قاره باغلاسون
یا حسین وای سسلیوب بو غمده سینه داغلاسون
باتدی قانه ائتدوقی پیمانی ایفا ایلسون
دینِ اسلامی یر اوسته بیرده احیا ایلسون
.
.
باتمادی قانه که یر گوی ناله و داد ایلسون
یا آناسی باشی اوسته داد و بیداد ایلسون
ظلمیله قیزلار یانوب غارتده فریاد ایلسون
قانه باتدی ظلم الیندن دینی آزاد ایلسون
جدینه نازل اولان، قرآنه امداد ایلسون
.
.
باتمادی قانه حسین دنیاده اولسون صحبتی
ثبت اولا تاریخیده یا معنوی شخصیتی
ظاهراً گئتسون الیندن آبرو و عزتی
باتدی قانه تا که قرآنون اوجالسون شوکتی
حشره تک پاینده قالسون دینون حیثیتی
.
.
باتمادی قانه بلا دشتینده اول شاه حجاز
ائتمه دی ایسی قوم اوسته بی هدف سوز و گداز
ایسته دی دنیاده تاپسون پرچم دین اهتزاز
باتدی قانه ، اوز قانیلن آلدی اول شه دستماز
عالمه اعلان ائدوب برپا گرک اولسون نماز
.
.
باخمادی نهر اوسته دوغرانمیش سراسر پیکره
باخمادی قرانه خاطر اِرباً اِربا اکبره
باخمادی ظلمیله اولموش پاره حلق اصغره
ایستدی بو جانلار اولسون نهضتون سرمایه سی
قانیلن سیراب اولونسون دین و قران پایه سی
.
.
باتمادی قانه اسیر اولسون عیال مصطفی
ایلسون قصد جسارت زینبه قوم دغا
ناقه اوسته قیزلاری یا شامه تک ایتسون نوا
صبر ائدوب بو ظلمه چون وئرمیشدی سوز روز ازل
دستگیر اولسون عیالی ، چاتماسون دینه خِلل
.
.
ائتمدی کرب و بلاده قدرت اوسته انقلاب
دینه خاطر خنجر آلتیندا ائدوبدور پیچ و تاب
وئردی باشین نور عین حضرت ختمی ماب
جامه ذلت ئولونجه تا مسلمان گیمه سین
باش وئروب دنیاده اما ظالمه باش اگمه سین
.
.
باتمادی قانه که دولسون داشیلن صاق و صولی
باتمادی قانه طنابه باغلانا زینب قولی
باتمادی قانه دوشه قیزلارونون شامه یولی
اول زمان قانه باتوبدور سرور عالی جناب
بو زماندا ائتمه سین ناموسیمیز کشف حجاب
.
.
باتمادی قانه حسین تا آغلاسون اهل سما
باتمادی قانه گئینسون قاره عرش کبریا
باتدی قانه کربلاده ظلمیله اُول مقتدا
ایسته دی ناهی جهاندا مُنکره معطوف اولا
باش و جان وئردی حسین ، تاامربر معروف اولا
.
.
باتمادی قانه حسین ، نیزده باشی دولانا
باتمادی قانه ، جماعت نئچه رنگه بویانا
ایستدی یاتمیا غفلتده مسلمان اویانا
بوله حق یولدا باتوب قانه اگر ئولسه بشر
بو ئولوم نوش اولار انسانه مین ایل عمره دگر
.
.
باتمادی قانه حسین تا قانی گئتسون هدره
ایستدی قانیله بو دینی یتیرسون ظفره
باتمادی قانه که فرصت دوشه بیر عده لره
بیری بو قانیله تبلیغ ایلیه اوز اوزینی
بیریسی نوحه آدینان ساتا خلقه سوزینی
.
.
قانینه باتدی ، بشر حقّه تاپا معرفتی
معرفتسیز بشرین یوخ ابداً منزلتی
نه بوعالمده نه محشرده اولار عاقبتی
معرفتدندی ، حسین اگمدی ظُلّامه باشین
بونا خاطردی وورار سینیه هر کیمسه داشین
.
.
معرفت اولسا بولر قانه نیه باتدی حسین
دینه خاطر حرموندن گوزینی آتدی حسین
ال ریاسیتدن اوزوب حقّه باشون ساتدی حسین
باتمادی قانه که بیر عده بو دینی ساتالار
بیر یالان وعده وئروب جاه و مقامه چاتالار
.
.
باتدی قانه که ریاست ده گرک دینی اولا
دین اولان یرده حکومت ده گرک دینی اولا
دین سیاسی دی سیاست ده گرک دینی اولا
قانیلن یازدی ریاستده اولان عادل اولار
حاکم دین سُنَّتِ پیغمبره ، عامل اولار
.
.
باتدی قانه حقّیلن بیر آیری سودا ایلسون
قانیلن اَوّل ایدن اوز عهدین امضا ایلسون
باش وئروب بیرده یزیدی خوار و رسوا ایلسون
آگه ائتسون عالمه ،باش خنجره گر توش اولا
فخردور ، اما گرک ظالم اوتی خاموش اولا
.
.
قانه باتدی کربلاده مرتضا شهزاده سی
ایلسون ثابت جهانون وار هله آزاده سی
چون یزیدی مست ائدوب میزریاست باده سی
امر حقّیله بلا دشتینده طوفان ایلدی
باتدی قانه کاخ استبدادی ویران ایلدی
.
.
باتدی قانه درس ایثار و شجاعت اورگده
هر زمان مظلومه ظالمدن برائت اورگده
حق یولوندا باش وئروب آخر شهادت اورگده
یعنی انسانه شهادت دور وئرن هر عزتی
عاشق و معشوق ارا ، امّا وار آیری لذتی
.
.
کیمسه ده اولماز لیاقت قانینه غلطان اولا
تشنه لب قلبی دچار ناوک پیکان اولا
باش بدندن آیریلوب گل پیکری عریان اولا
سجده ده قانه باتا مه صورتی حیدر کیمی
نیزه ده باشی گئده معراجه پیغمبر کیمی
.
.
نیزیه باشین ووراندا زینبِ زار آغلادی
بیرده اول باشه باخوب سجادِ بیمار آغلادی
بیرده غارتده یانان ظلمیله ، قیزلار آغلادی
یازمادی شیدا ولیکن پرده چکدی مطلبه
نیزیه باشی وورانلار نیلوبلر زینبه

متن پیشنهادی:  ای دخت رسول الله آغلاردی سنه گوزلر #فاطمیه_حجت_خیری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی