راه شام
.
#زبدةالاشعار
: @nohe_torki
.
#سبک_یارالی_جان_یارالی … 4 سبک …. شهریاریمسن آقا … کربلا منتظر ماست … زنجیر تک ضرب …
.
مرحوم طوری
.
باجوی شامه على گرچه بو زنجیر آپارور
جذبۀ عشق چکور زلف گرہ گیر آپارور
.
ایستدی قدرتینی گوستره خلاق ازل
ایلدی سلسلۀ هاشمی خلقتده گوزل
شنیدون جذیوه بو سلسله ده مثل و بدل
عشقوه سلسله بندم منی تصویر آپارور
.
.
مکتب غمده وفا درسینی مشق ایلمیشم
لوح حسنونده باخوب خطّیوه عشق ایلمیشم
مشق تحصیله دوشوب عزم دمشق ایلمیشم
خطۀ شامه منی اول خط و تحریر آپارور
.
.
عالم ذرّده ارواحه یتن دمده خطاب
روح لر اولدیلا بی روح حسین ویردی جواب
اولدی تقدیر مقدر یازیلوب ام کتاب
نیزه باشنده آتام باشین او تقدیر آپارور
.
.
سالدی عشق عالمی عالمده بلایه باشووی
گتدی تدبیریله مصداق منایه باشووی
سربلند ایلماقا وردی جدایه باشووی
حق باشون مجلس ناحقّه او تدبیر آپارور
.
.
نیزه باشنده او بیر باش که اناالحق دانشور
نفی اثبات ایلیوب حقده مطلق دانشور
فعل ماضینی مضارعده محقّق دانشور
امر مجهولی کتاب اهلینه تفسیر آپارور
.
.
کربلایه منی گتدون سن على عزّتیلن
شوکت و جاه و جلال و دم خدمتیلن
ایمدی سرّی ندی بس سن باخاسان ذلتیلن
قولی باغلی منی بو شمر خدا گیر آپارور
.
.
نرگس مستون عجب ایلدی مستانه منی
ایتدی مجنون کیمی سرگشته و دیوانه منی
گوز تیکوبدور یولوما گوزلوری ویرانه منی
منی معمار قدر ایتماقا تعمیر آپارور
.
.
بلبل عشقم علی ایمدی چمن سیزلمیشم
گلیمه یتمور الیم سَرو سَمن سیزلمیشم
اَی باشون نیزه دن آخر على سن سیزلمیشم
گور که هر کلمه نه اندازه ده تقریر آپارور
.
.
بو گوزین یاشنی طوری گوروسن شوریدی بو
سالما گوزدن اونی اهل نظره نوریدی بو
یوزه جاری ایله محشر گونی منظوریدی بو
نیکبخت اوردا اودور گوز یاشین اکسیر آپارور
.
.
#راه_شام_طوری_تبریزی
#اکبریه_شهادت
#باجوی_شامه_على_گر_چه_بو_زنجیر_آپارور
#ترکی
.
#زبدةالاشعار
: @nohe_torki
نظر دهید