زبانحال امام حسن (ع) در شهادت مادر
.
✍️زبدة الاشعار✍️
.
🆔: @nohe_torki
.
سبک :: دولانور علی قیزی مقتلی و … بالام آغلاما … باجی دور گئداخ …
.
.
مرحوم غمکش
.
باجی دور گورک یوزی گولمین
ننه‌میز گیدوب نیه گلمدی
قان آخا آخا یارا سینه‌دن
ننه‌میز گیدوب نیه گلمدی
.
.
غم ایوینده ترک ایلیوب بیزی
دورون آختاراق گورک هاردادور
دولاناق بو قونشولاری اَول
خبرین دوتاق گورک هاردادور
هامی کوچه رهگذری گزوب
گنه‌ده باخاق گورک هاردادور
قاباقا دوشه بیزیلن حسن
ننه‌میز گیدوب نیه گلمدی
.
.
اَلی باشدا سالم اولیدی گر
بو قدر یوبانمازیدی ننه‌م
اوزی زار و خسته و خونجگر
بو قدر یوبانمازیدی ننه‌م
بیزی ایوده تک قویا دیده تر
بو قدر یوبانمازیدی ننه‌م
ئورگینده مین اَلم و محن
ننه‌میز گیدوب نیه گلمدی
.
.
باشینین قضاسی گورک ندور
سینه‌سی یارا بدنی یارا
نه گناهین اوسته اونا عدو
ایلیوب باجی بو قدر جفا
چاغیراق حسینی‌ده تیز گله
گورک ایندی واردی نه ماجرا
بو جهاندا خوش گونی گورمین
ننه‌میز گیدوب نیه گلمدی
.
.
بیله ساکت اگلشوب آغلاما
گوروسن که آغلیورام اُوزوم
یوزه اشگ دیده‌وی باغلاما
گوروسن که باغلیورام اُوزوم
باشا وُرما سینه‌وی داغلاما
بیله سینه داغلیورام اُوزوم
ئورگی دولی غم و غصّه‌دن
ننه‌میز گیدوب نیه گلمدی
.
.
او قدر مصیبت و غم چکوب
سارالوبدی گل کیمی گل یوزی
اوتوروبدی گوشۀ غمده چوخ
ایلیوب نوا گیجه گوندوزی
سینه‌سینده ساخلیوب اللرین
دولوب اشگ حسرتیله گوزی
غم و غصه قامتینی اگن
ننه‌میز گیدوب نیه گلمدی
.
.
بدنینده طاقت و تابی یوخ
سینه‌سین دلوبدی فشار در
یوخاری دوتانمازیدی اَلین
بله‌گینده قمچی قویوب اثر
شل اولیدی قنفذون اللری
ننه‌مه او ظالم ایدوب نلر
هانی دهرده بیله ظلم ایدن
ننه‌میز گیدوب نیه گلمدی
.
.
#سبک_بالام_آغلاما_گلوم_آغلاما و …
( 7 سبک برای سینه زنی و زنجیر )
.
.
.
#فاطمیه_شهادت
#باجی_دور_گورک_یوزی_گولمین_ننه_میز_گیدوب_نیه_گلمدی
#غمکش
#یادگار_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید