سیزیلدار علی اصغر گلوب نالیه گویلر #اکبریه_منعم_اردبیلی

شهادت حضرت شهزاده علی اکبر (ع)
..
..
#سبک_علی_جان_بالا_لبیک
..
..
مرحوم منعم اردبیلی
..
..
سیزیلدار علی اصغر گلوب نالیه گویلر
خبر وئردیله لیلا گلور جنگیدن اکبر
..
..
چیخوب خیمه سرادن او عصمتلی خانملار
دالیجان گوزی یاشلی سوسوزلار بالا قزلار
علمداری گوروبلر علم الده قان آغلار
که بیر قانلی عبادن جوانلار یاپوشوبلار
باخوب گوردی خانملار عبانون آراسیندان
آلا گوزلی جواندور آخور قان یاراسیندان
..
..
یره قویدیلا نعشی خیامون قباقیندا
آتاسی باشی اوسته عمو دوردی صاقیندا
جوانلار باشین آشدی صولوندا ایاقیندا
دیردون على اکبر یاتوب طوى اطاقیندا
یومولمیش ایکی گوزلر دوداقلار گله بنذر
آلا گوزلرون اوسته داغیلمیش قره زفلر
..
..
..
توکولدی بالا قزلار آلوب دور و برینی
بیری گوزلرین اؤپدی بیری زلفلرینی
بیریسی زرهینون آچور حلقه لرینی
چخاردور ایاقیندان بیری چکمه لرینی
شیرین دیل باجی گوردی گئدوب اکبر ئوزوندن
قولون بوینونا سالدی اؤپوب قارداش اوزوندن
..
..
توکور گوز یاشی سایسیز باخور قزلارا سقا
هلاک اولدی اوشاقلار آیرسون نجه آیا
خانملار باشین آچمیش قیامتدی خدایا
خیامون آراسیندان باخور اوغلونا لیلا
ننون بس نیه ئولمز اجل هاردادی گلمز
غریبم بالا هئچ کیم منیم حالیمی بیلمز
..
..
..
دئدی زینب نالان حسینجان اوتانان وار
کنار اولدیلا یکسر حسینیله جوانلار
گلور گوردیله لیلا گلور عالمی داغلار
گیروب قولتوقی آلتدا قرا بخت خانملار
سیزیلدار بئله سسلر آنون بس على نیلر
بالا هاردا یاتوبسان گوزوم گورمیور اکبر
..
..
سوروندی یر اوزوندن گلوب نعشینه چاتدی
یوزون قویدی یوزینه دوداقلار قانا باتدی
گوزون یاشینی توکدی اوغول قانینه قاتدی
دوروب بیرده باخاندا الین معجره آتدی
بو صحراده بیلورسن امیدیم علی سن سن
گوزون آچ منی دیندیر آدامسیز ننووم من
..
..
..
#اکبریه #منعم_اردبیلی #اکبریه_شهادت #ترکی #زبدةالاشعار