ورود به کربلا
.
کریمی مراغه ای
.
.
باجی زینب بو یر دشت بلادور
بلایه صبرون اولسون کربلادور
.
.
ازل گوندن منه طاها و یاسین
خبر ویرمیش بو دشتین ماجراسین
اوزوم اوز باشیمون بوللم بلاسین
ذبیح عشقه بو صحرا منادور
.
.
آلار اطرافمی اعدا بو یرده
ایدللر قتلیمه شورا بو یرده
من ئوللم روز عاشورا بو یرده
حسین بوردا ذبیحاً من قفادور
.
.
بو صحرا دور نمایشگاهی عشقون
بو یر دور آزمایشگاهی عشقون
منم اوستادی دانشگاهی عشقون
مرامیم عشق و معشوقیم خدادور
.
.
مرید عشقم عشّاقه مرادم
رشیدم راشدم پیرم رشادم
عبیدم عابدم فخر عبادم
نه من حقدن نه حق مندن جدادور
.
.
چکنده تشنه لب مقتلده یا هو
سسیمه سس ویرر قمری و طیهو
گلر صود امجگینده داده آهو
بولر من تشنه یم شغلیم نوادور
.
.
گیدر الدن بو یرده عز و جاهیم
اولار غارت یانار بو خیمه گاهیم
اورا قبریم بو یر دور قتلگاهیم
او تل اوستی سنه دارُلبُکادور
.
.
یتوب ایش بیر مقامه یوخدی امکان
گرک یا من گیدم یا حکم قرآن
سزادور من اولام قرآنه قربان
حسین اوز دینینه لایق فدادور
.
.
کسیلسون قوی باشیم اسلام اوجالسون
حسین ئولسون ولی دین زنده قالسون
بو نهضتدن جماعت عبرت آلسون
بشرده دین گرک دنیا فنادور
.
.
بو چولده یوم عاشر قان داشاندا
جفادن قانداشوب حددن آشاندا
بالا قیزلار سوسوزدان آغلاشاندا
سسیمه سس ویرن خیر النسادور
.
.
بو چولده دوغرانار ظلمیله اکبر
قوجاقیمده باتار آلقانه اصغر
دوشر توپراقه عون و فضل و جعفر
منای کربلا چوخ غم فزادور
.
.
بو یر دور گلشن عمریم سولان یر
بو یر دور گوللریم خندان اولان یر
بو یر دور گوزلریمه قان دولان یر
حسین چوخدان بو دشت آشنادور
.
.
بو یرده قلبیمه بیر اوخ ویراللار
آنام زهرانی دلدن یاندیراللار
یارالی قلبیمون بندین قیراللار
منه قاتل همان تیر جفادور
.
.
اولارشش گوشه قبریم خوش رواقیم
گلر هر گون اوزاق یولدان قوناقیم
چگر دائم «کریمی» اشتیاقیم
همیشه ورد و ذکری کربلادور
.
.
#ورود_کربلا #کریمی_مراغه_ای #ترکی #زبدةالاشعار
نظر دهید