باجی وصل شبده تشنۀ فراقم #شب_عاشورا_اعظمی_تبریزی

شب عاشورا
زبانحال امام حسین (ع)
..
..
#سبک_دولدوروب_جهانی
..
..
مرحوم اعظمی تبریزی
..
..
باجی وصل شبده تشنۀ فراقم
بو گجه خیمده من سنه قوناقم
چون سحردی عاشورا
قانیمی توکر اعدا
ای بلالی زینب ای بلالی زینب
..
..
هجر ایدوبدی باغرین قان بو اهل بیتین
حالیمه منیم تک یان بو اهل بیتین
جان سنون بو چولده جان بو اهل بیتین
چون سحردی عاشورا
قانیمی توکر اعدا
ای بلالی زینب …
..
..
ئولمیوب ابوالفضل وار هله فراغت
خیمه ده بیر آز گیت ایله استراحت
صبح آچیلسا زینب باشلانار قیامت
چون سحردی عاشورا
قانیمی توکر اعدا
ای بلالی زینب …
..
..
آغلاما اماندور گوزلرون فداسی
صبر ایله بو غمده واردی حق رضاسی
وار صباحین اما اوزگه ماجراسى
چون سحردی عاشورا
قانیمی توکر اعدا
ای بلالی زینب …
..
..
هر بلا بو یولدا گلسه من دایّانام
گلمه چوخ نوایه باشووه دولانّام
ایستیوب حبیبیم قانیمه بویانّام
چون سحردی عاشورا
قانیمی توکر اعدا
ای بلالی زینب …
..
..
..
اهل بیته سرخیل چون بو چولده سنسن
قویما اهل بیتی ایلسونله شیون
باجی جان أزلدن بیله بول یوخام من
چون سحردی عاشورا
قانیمی توکر اعدا
ای بلالی زینب …
..
..
قیزلارین یوزوندن گوزیاشی آخولّار
آهیله حسینی یاندیروب باخولّار
آغلاما اماندر قیزلاریم باخولّار
چون سحردی عاشورا
قانیمی توکر اعدا
ای بلالی زینب …
..
..
قویمارام یوزومدن قانی اوزگه سیلسون
گلستان دینه باد غم اسیلسون
خوشدی دین یولوندا اللریم کسیلسون
چون سحردی عاشورا
قانیمی توکر اعدا
ای بلالی زینب …
..
..
یوخ سوزوم اگر چه رهنمای عشقم
لیک وار مرامیم مبتلای عشقم
باش و جان نه لازم من فدای
چون سحردی عاشورا
قانیمی توکر اعدا
ای بلالی زینب …
..
..
..
..
#شب_عاشورا #اعظمی_تبریزی #ترکی #زبدةالاشعار