باجی گل اللریمده اصغر عطشانیم اوخلاندی #اصغریه_هوشی_تبریزی

زبانحال حضرت امام حسین علیه السلام به خواهر در شهادت طفل شش ماهه
.
.
.
مرحوم غلامعلی باقری الهامی (هوشی تبریزی)
.
.
باجی گل اللریمده اصغر عطشانیم اوخلاندی
اولوب قربان جانان بوقوزی قربانیم اوخلاندی
.
.
سوسوزلوق اصغریمی گرچه بی تاب ایلدی باجی
خدنگ حرمله قان ویردی سیراب ایلدی باجی
یورولموشدی قوجاقیمده بالام خواب ایلدی باجی
اوچوبدورروحی مرغ روضۀ رضوانیم اوخلاندی
.
.
دگنده اوخ آچوب گوزحسرتیله بیرمنه باخدی
اوباخماقدا منی یاندوردی نارحسرته یاخدی
دوداقی قاچدی بیرگلدی ولیکن گوزلری آخدی
سپهرعشقیده بیرکوکب رخشانیم اوخلاندی
.
.
ازل گون باغلاموشدوم من باجی جانانیلن پیمان
منای کربلا ایچره ویرم یتمیش ایکی قربان
یتوشدی باشه عهدیم اولدی اصغرفدیۀ جانان
کنارنهریده قان ایچدی بوعطشانیم اوخلاندی
.
.
گوزومده گوزیاشیم وارعلتّی بیله دونوب قانه
جهاندارسمدوربو سو ویرللرباجی قربانه
ولی سواولمادی ممکن ویرم بوطفل عطشانه
لب عطشان اللریم اوسته قوزی قربانیم اوخلاندی
.
.
طریق عشقیده باجی وفا رسمین بالام سچدی
ره جاناننیده جاندان اودورکه شوقیبلن گچدی
زبس عطشانیدی سوفرض ایدوب اوزقاننی ایچدی
سرشک چشممه الده اولان عنوانیم اوخلاندی
.
.
باخوب رخسارینه گلدی ایله دریای دل جوشه
صدف تک بو دُرِغلطانیمی تا چکدیم آغوشه
یرین راحت گوروب گتدی قوجاقیمده باجی هوشه
نجه گوربحرغمده گوهرغلطانیم اوخلاندی
.
.
بودشتی قانیله بیرگلشن رضوانه دوندردیم
اودوربیردسته رنگین گل حضوریاریچون دردیم
داخی گل قالمیوب گوردوم باجی بیرغنچه گوندریم
الیمده بزم یاره تحفۀ شایانیم اوخلاندی
.
.
سنه واضحدوراحوالیم گوزومده اشک آلیمدن
نه لازم ایلییم آگه داخی درد ملالیمدن
پوزوبدورحالیمی اصغرچخوب اکبرخیالیمدن
غم اکبرله واقعده غمی یکسانیم اوخلاندی
.
.
بالامی ایله بیر حاله باجی تیرجفا سالدی
باخوب احوالینه یاندیم قرارو صبریمی آلدی
اوچوب روحی قوجاقیمده بوقوشسوزبیرقفس قالدی
گلستان وفاده بلبل خوشخوانیم اوخلاندی
.
.
یتوردی باشه دشمن نقشۀ آمالینی باجی
یانوب دشمنلریم آغلار گورنده حالینی باجی
ربابه سویلمه امّاهله احوالینی باجی
آناسی بولمسین بوغنچۀ خندانیم اوخلاندی
.
.
بوغازیندان دگنده دشمنون دلدوز پیکانی
آخوب قونداقینی دولدوردی گرچه حلقینین قانی
دیرتدی لیک بوقان باجی جان احکام قرآنی
رواج دین وقرآنه عزیزجانیم اوخلاندی
.
.
غم اصغر ایله سالدی دل سوزانیمه اخگر
بوغمدن تازه لندی داغ جانسوزعلی اکبر
اگرچه صورت ظاهرده اوخلاندی علی اصغر
ولیکن باطنا باجی دل سوزانیم اوخلاندی
.
.
غم اصغرده سن(هوشی) توک اشک دیده اول گریان
ایدربوشورگوزیاشون یقین هردردیوه درمان
حسینون قولیجا امّا بو بیتی ایتگلن عنوان
باجی گل اللریمده اصغر طشانیم اوخاندی
.
.
.
.
#اصغریه #هوشی_تبریزی
#اصغریه_شهادت
#باجی_گل_اللریمده_اصغر_عطشانیم_اوخلاندی
#ترکی
#زبدةالاشعار