#غزل #نصرت_اردبیلی
.
✍️ #زبدةالاشعار ✍️
.
🆔: @nohe_torki
.
نصرالله صدرالممالکی اردبیلی
.
شکر لِلَّه کی کؤنول اولدو تجلّی دلیسی
یئنه أوز قویدو بیابانا بو لیلا دلیسی
.
غل و قلّاده و زنجیره مگر بند اولور
بیر کؤنول کیم اولا بیر زلف چلیپا دلیسی
.
یا مگر نرگس بستانا سالیر طرف نظر
بیر کؤنول کیم اولا بیر گؤزلری شهلا دلیسی
.
عشقین آدابینی فرهادیله مجنون نه بیلیر
بیریسی داغ آییسیدیر، بیری صحرا دلیسی
.
داغیله باغ، گؤزوم عاشق ایچون یکساندیر
هره بیر یانا گئدیر واحد و یکتا دلیسی
.
عاغلا گل، واعظ و زاهد سؤزونه توتما قولاق
بیری دنیا دلیسیدیر بیری عقبا دلیسی
.
«عاجز» آثاری ره عشقه قدم باسمادی، حیف (1)
بو سؤزو خبط خیال ائتدی او سئودا دلیسی
.
(1)مرحوم نصرت اردبیلی، این غزل را در استقبال از غزل شاگردش مرحوم عاجز خلخالی سروده است.
.
.
.
#غزل_ترکی
#ترکی
#شکر_لله_کی_کؤنول_اولدو_تجلی_دلیسی
.
✍️ #زبدةالاشعار ✍️
.
🆔: @nohe_torki
نظر دهید