ماه محرم
ورود کربلا
.
✍️ #زبدةالاشعار ✍️
.
🆔: @nohe_torki
.
رجب جعفری زاویه
.
باشلاندی تکایاده عزاسی شه دینون
مظلوم آقامون یعنی حسین ابن علینون
زهرایه جگرگوشه اورک بندی نبینون
قاره گئیینوب اگنینه عاشقلری یکسر
بو آیدا شهید اولدی او دلبند پیمبر
.
.
تولاندی زمان گئچدی بیرایل گلدی محرّم
عشق اهلی دوتا عشق شهنشاهینه ماتم
قلبیمده ندندور چوخالور غصّه ایلن غم
ایّام عزاداری شاه شهدادور
یئر گوی توکه گوزیاشی صد البتّه روادور
.
.
بو آیدا شهید اولدی حسین زادۀ زهرا
بو آیدا اولوب کرب و بلا کرب و معلاّ
اهریمن الیلن کسیلیب دست اهورا
بو آیدا اسیر اولدی ستم پیشیه عادل
بو آیدا ایچوب شهد سخن زهر هلاهل
.
.
گلدی آقامون موکبی چون کرب و بلایه
دقّتله باخوبدور صورا ال گوتدی دعایه
ذکر ایلدی بسم اللّهی حمد ائتدی خدایه
عرض ایلدی یا قادر و یا قاضی الحاجات
بو یردی منه سعی و صفا مروه و میقات
.
.
دورمده گورورسن هامی انصاریمی یا رب
عبّاسیمی شایسته علمداریمی یا رب
زینب باجیمی غم گونی غمخواریمی یا رب
وار قافلم ایچره گوروسن اکبریم الله
زیبنده جوان اشبه پیغمبریم الله
.
.
اهل حرمیم جمله گلوب کرب و بلایه
قربانلار ایاق قویدی بوگون دشت منایه
درگاهووه دل آچدیم اول حمد و ثنایه
باخ مشتریانه سن اوزون گور نه لریم وار
تر غنچه مثالی بالاجا صود امریم وار
.
.
هرتک تکی طالبدی بولار وصلت یاره
عاشقدیله معشوقه رضا امر نگاره
وصلتدن اضافه ندور عاشق لره چاره؟
سن هرنه اراده ائله سون بیز اونا تسلیم
تر غنچه میده ایلیرم من سنه تقدیم
.
.
مستم می عشقونله سنون ای حق منّان
روحیم سنیلن باغلیوب اوّل گونی پیمان
قارداشلاریم اوغلانلاریم اولسون سنه قربان
پیمانیمیزین شرطی بودور تشنه وئرم جان
گوزلر هاموسی گوزلیور اول لحظه نی هر آن
.
.
سن سن منه معبود و منم تشنه ی دیدار
سن مقصد و مقصود و منم مست رخ یار
عشقین یولونا عاشق ائدر جانینی ایثار
عاشور گونی عشقیلن ایثاری گؤررسن
سن اکبری عبّاس علمداری گؤررسن
.
.
آرزیم بودی لب تشنه چاتام وصل نگاره
قان ایچره اتکدن باشا جسمیم اولا یاره
گوگدن یئره گونیا قدی راشدّتله حراره
عطشان لیقیمین شدّتینی آرتیرا ایستی
یاده سالام اؤل لحظه ده پیمان الستی
.
.
آگه سن اؤزون قلبیده دلداده لیگیمدن
وحشت یارادان ظالمه ایستاده لیگیمدن
باشا گممیشم ظلمه من آزاده لیگیمدن
آزاده بیر انسانم الهی بیلوسن سن
هیهات من الذلّه شعاریمدی اولدن
.
.
قربانگه عاشقدی بو یئر کرب و بلادی
قربانلارا دشت طرب افزای منادی
معراج دی میدان عروج شهدادی
معشوقی گرک راضی ائده عاشق اوزوندن
عشقیله چکه ال گئجه سیندن گونوزوندن
#ورود_محرم #جعفری_زاویه
#ورود_کربلا
#باشلاندی_تکایاده_عزاسی_شه_دینون
#ترکی
.
✍️ #زبدةالاشعار ✍️
.
🆔: @nohe_torki
.
نظر دهید