زبدةالاشعار

کیم ائتدی فنا دهریده حقدن تبعیّت #فاطمیه_مژده_اردبیلی

قطعه اجتماعی
گریزمصائب حضرت ام ابیها(س) و زبانحال مولا علی (س)
.
✍️ زبدة الاشعار ✍️
.
🆔: @nohe_torki
.
مژدۀ اردبیلی
.
کیم ائتدی فنا دهریده حقدن تبعیّت
خلاق اونا یاراولدی گوزل طینت آپاردی
.
بیر گون چمن عشقیده آسوده گزیردیم
بیر منظره گوردوم که منی حیرت آپاردی
.
شوقیله گل اوستونده اوتورموشدی که بلبل
عطر گل اونی مست ائله میش لذّت آپاردی
.
ایلوردی نوازش گلی چون باد بهاری
ناگه من شوریده سری فکرت آپاردی
.
بو فکرتین اوستونده کماکان دولانیردیم
بیر آیری خیال اوسته منی حسرت آپاردی
.
علّت ندی کوتاه اولی زیبا گلون عمری
گرچه بو آزعمرونده کلان عزّت آپاردی
.
بلبل دیله گلدی او گل ناز عوضیندن
بیر سوز دئدی گلشنده منی محنت آپاردی
.
کوتاهیدی گرعمری گلون صحن چمنده
آزعمرونه باخ گور نقَدَرشوکت آپاردی
.
گل عمرونی گلشنده حساب ایلمه کوتاه
بلبل گُله باخدیقجا گلی خجلت آپاردی
.
قانون طبیعتدی لطافت گُلون اولدی
گلشن دولوسی جلوه لنوب شهرت آپاردی
.
ایکاش اولا انساندا بو گُللر سایاقیندا
اوندان گوره کیم دهریده شخصیت آپاردی
.
انسان دئدیگون بندۂ خلاق جهاندی
گلدن بو لطافتده که وار سبقت آپاردی
.
معطوریدی گلدن چمن عشقیده اما
بعضی عملیندن گوروسن ذلّت آپاردی
.
تدبیر ستم اولماسا انساندا نخوشدی
شاید اونی اهریمن بدفطرت آپاردی
.
شیطان بشرون نفسیدی انسان بد اندیش
بیراهه گئدوب عمر اوزونی لعنت آپاردی
.
ثانی کی ستم کاریدی انسان دئمگ اولماز
گور نیلدی ظالم آرادان حرمت آپاردی
.
یاندی ستمینده که اونون درگه زهرا
لعن ابدی ثانی دون خصلت آپاردی
.
بیر گل کی لطافتده اونون مثلی یوخیدی
گلزار محبتدن اونی محنت آپاردی
.
یثربده اوگل صورتی بیر خارخ ساتاشدی
قلبینده اوگلزار غمه حسرت آپاردی
.
گل پرپر اولوب باغ ولایتده ولیکن
قبره او گلی یدّی نفر امّت آپاردی
.
قبر اوسته بویوردی بو سوزی حیدر الهی
ئولمزدی بتولی آرادان عصمت آپاردی
.
محبوبۀ خلاق جهان کوثر طاها
گئتدی حرم عشقیدن امنّت آپاردی
.
یارب نظر فاطمه دن «مژده» نی سالما
امید اونی جنّاته او مه طلعت آپاردی
.
.
#پندیات
#فاطمیه_شهادت
#کیم_ائتدی_فنا_دهریده_حقدن_تبعیت
#مژده_اردبیلی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سپهر عشقده رخشنده اختر یاعلی اکبر #اکبریه_پرند_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی