آغاز ماه محرم
گریز به حضرت ابوالفضل (ع)
..
..
..
..
معروف اهری
..
..
..
..
باشلاندی عزا باشه قرا باغلا حسینچی
گل اهل دل اول دلبره دل داغلا حسینچی
یا سیّدی سسلن سینه وور آغلا حسینچی
اشک ترووی جاری ائله قوى سئله دولسون
گوز یاشیوی زهرا بگنوب مشتری اولسون
..
..
..
..
دنیا غمینی ئوز غموی آت ئورگیندن
آخسون علویّت قانی همواره رگیندن
عالمده حسینون نچه گون دوت اتگیندن
اگنینده قرا قلبووی صاف ایله دوز آغلا
گل کعبۀ حاجاتی مطاف ایله دوز آغلا
..
..
..
..
اون گون سنی دعوت ائلیوب فاطمه یاسه
گل سنده خانم فاطمیه عرض سپاسه
مشگللرون آسوده دئنن اشجع ناسه
ایمانوی سعی ایله بو درگاهه کم ائتمه
زهرا بالاسى باب الحوائجدى غم ائتمه
..
..
..
..
هرکس ائده قلبینده هوس قیدینی پاره
راحت یتیشر بو قاپیدان حضرت یاره
بو درگهه کیم گلسه تاپار دردینه چاره
دردین وار اگر ائتگیلن عبّاسه توسّل
تاپشور آناسی فاطمیه حل اولا مشکل
..
..
..
..
عرض ایله آقا مادر غم پروره خاطر
بین در و دیوار سینان شهپره خاطر
وئر دردیمه درمان گل پیغمبره خاطر
ویرّم قسم اول سینیه که محنتی چوخدی
مأیوس ائلمه نوکریوین بیر کسی یوخدی
..
..
..
..
سن بیر آقاسان جود و سخاوتده مثلسن
دریای کرامت آقا بی مثل و بدلسن
شأنون اوجادی حسن وجاهتده گوزلسن
ای صاحب منسب کسیلن اللره خاطر
درمان ائله دردیم اوخ ئوپن گوزلره خاطر
..
..
..
..
گل ایندی قلم محنت عباسی بیان ایت
نسگل لرینی یاز ورق اوستونده عیان ائت
یازدوقجا گوزون یاشینی رخساره روان ائت
ثبت ایله غم خجلتینی سینوی داغلا
نهر آغلیور عبّاس آقاما سنده گل آغلا
..
..
..
..
نهر اوسته وئروب یوز آقاما بیر غم مبهم
ذکر اولجاق او غم قلبیمی والله غم آلور غم
علقم غمینون شاهدیدی قوی دئسون علقم
مشکون نجه دولدوردی نجه چیگننه سالدی
چخدی ئوزی یاددان حرمون فکرینه قالدى
..
..
..
..
ئوز غیرتینه رخت بلا بیچمدی عبّاس
اطفالی بیریندن بیرینی سئچمدی عبّاس
بیر قطره ده حتى او سودان ایچمدی عبّاس
اوجوندا سویی علقمه تقدیم ائدوب عبّاس
احسن سنه ای کان شرف معدن احساس
..
..
..
..
عرض ائتدی ایچیم من نجه بو بحر و ثمردن
سوز ویرمیشم اطفالی چکم نار خطردن
ایچسم چکرم شرم و خجالت صود امردن
ایثار و مواساتی گرکدور ائدم اثبات
عطشان قالا اصغر بو سودان من ایچم هیهات
..
..
..
..
عطشان لبیلن علقمی ترک ائتدی علمدار
تعجیل ائلیور تز ائده عطشانلاری بیدار
سو مشکینه قیمت وئره تا گرمدی بازار
ایستوردی بو سوداده خطردن حذر ائتسون
نخلستانی ترجیح وئروبدور گذر ائتسون
..
..
..
..
افسوس اولا اعدا او یولون صاق صولون آلدی
عبّاس باخوب صاق صولا گوز دولدی بوشالدی
ووردی الینی بیر بیرینه بیر حالا قالدی
گویا که آغیر داغ چکیلوب قلب وزیره
روشن گونوزی گوزلرینه ائتدیله تیره
..
..
..
..
هر سمته باخوب حلقه ووران دشمنی گوردی
دشمنلر الینده اوجالان نیزه نی گوردی
اوخ گوردی مبارزله دولی جبهه نی گوردی
فکر ائتدی اگر اوخ آتالار مشکه نه چاره
کاش گوزلریمه اوخ دگه مشک اولمیا پاره
..
..
..
..
گور نیلدی عباس او اوخلار جدلینده
گوستردی گوزل گوزلری عکس العملینده
افسوس اولا اوخ ائتدى هدف مشکى الینده
آهسته سویی پاره سبودن یئره آخدی
یاندی اورگی گوزلری حسرت سووا باخدی
..
..
..
..
آخ چکدی یانان قلبیله سسلندی آقام گل
ظلمیله سولان شاخه ده سنمیش بوداقام گل
ئولدوردی خجالت نچه لحظه قوناقام گل
نه گوز نه ده قول فکری منیم باشدا واریمدی
بو لحظه محبت گوزی قارداشدا واریمدی
..
..
..
..
قانیله علمده یازیلان سوز سنه قربان
سینمده محبّتله یانان کوز سنه قربان
باخ گوزلریمه منده دیوم گوز سنه قربان
قویما بو خجالت سوزومی دیللره دوشسون
یاتدى علمیم قویما باشیم اللره دوشسون
..
..
..
..
#ورود_محرم #معروف_اهری #عباسیه_معروف_اهری #عباسیه #عباسیه_شهادت #ترکی #زبدةالاشعار
نظر دهید