باشون اوخور خوش لحنله قرآن حسینیم #کوفه_خوندل_تبریزی

کوفه
زبانحال حضرت زینب (س)
..
..
#سبک_ای_درد_بی_درمانلارا
..
..
مرحوم خوندل تبریزی
..
..
باشون اوخور خوش لحنله قرآن حسینیم
زینب او قرآنه اولا قربان حسینیم
عطشان حسینیم
..
..
سندن صورا تار اولدی بو دنیا گوزومده
مین نغمۀ درد و محن وار هر سوزومده
عالمده بو قرآنه قربان من اوزومده
واردور بو لحن دلکشونده جان حسینیم
..
..
از بس دوشوبلر شبهیه قارداش بو اوباش
گویا دیولّر خارجیدور بو کسوک باش
زینب دیلون قربانی گل بیر نطقه قارداش
حقّیّتون دنیایه قیل اعلان حسینیم
..
..
قارداش گوزل لطف ایلدون اهل نیازه
گوردون دوشوبلر قیزلارون چوخ سوز و سازه
آخر کسوک باشیله گلدون پیشوازه
عالم اولوب بو لطفیوه قربان حسینیم
..
..
از بس دوتوب بو لشکر اشراری غفلت
باشونده گوردوکجه بیله کشف کرامت
گه داش آتولار گاه ایلولّر شماتت
باغریم بو محنتدن اولوبدور قان حسینیم
..
..
بو باشی بسلردی آنام زهرا گل اوسته
البته لایقدی اولا گل سنبل اوسته
کیم قویدى بس بو نازنین باشی کول اوسته
ای کاش اولیدی کوفه نی ویران حسینیم
..
..
قارداش باشوندا اون ایکی یردن نشان وار
نی تک منیم هر بند بندیمده فغان وار
بو نه علامتدور یوزونده تازه تان وار
باخدوقجا گوز یاشیم ایدور طوفان حسینیم
..
..
قارداش دوشوب بلبلرون گلردن آیری
بیکس رباب آغلار یانار اصغردن آیری
بو لیلی مجنون نما اکبردن آیری
آغلار یانار دائم اولار گریان حسینیم
..
..
هرگز دیمم بو زینب نالانی دیندیر
یا غصّه دن مجنون اولان لیلانی دیندیر
یا تک به تک بو عترت زهرانی دیندیر
آز قالدی ویرسون بو صغیره جان حسینیم
..
..
..
#کوفه #خوندل_تبریزی #ترکی #زبدةالاشعار