کوفه
زبانحال حضرت ام کلثوم به حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_درد_بی_درمانلارا … 10 سبک
.
مرحوم کهنمویی
.
باشون جداده گورمورم قارداش اباالفضل
هاردا قالوبسان بیلمورم قارداش اباالفضل
.
.
ای وای منه آت بوینونا باشون آسیبلار
قالدیم نیه من ئولمورم قارداش اباالفضل
.
.
سن آیریلاندا خیمه دن من گورمه میشدیم
هاردا دوشوب قولسوز بدن من گورمه میشدیم
سقّانی عطشان جان ویرن من گورمه میشیدیم
ظلمیله قوللاری قلم قارداش اباالفضل
.
.
بئیله ائشیتدیم گورمه دیم ای دل خجسته
ضرب عمودیله اولوب باشون شكسته
بو علّتیله دورمویوب بیر نیزه اوسته
باشون آسیلدی لاجرم قارداش اباالفضل
.
.
رخساره شه قانین یاخان سرلشگر ای وای
سلطانینه حیران باخان سرلشگر ای وای
اوخلی گوزوندن قان آخان سرلشگر ای وای
قالدی سوسوز اهل حرم قارداش اباالفضل
.
.
نعشون یئر اوسته تاپمادیم من كربلاده
گلدیم اوركدن نی كیمی فریاد و داده
باشلار یانیندا گورمسم باشون جداده
زیبنده دور جان بذل ایدم قارداش اباالفضل
.
.
سلطان دینه و مذهبه همراز اولوبسان
هر بیر مقاموندا عجب ممتاز اولوبسان
سقّا عملدار اولموسان سرباز اولوبسان
سلطانی ایتدون قدّی خم قارداش اباالفضل
.
.
كلثومه قارداش نییه لطفون بس آزالدی
گول فرقتینده بلبولون رنگی سارالدی
باشون جداده گورمیوب حیر تده قالدی
شوریده دل بیر بلبلم قارداش اباالفضل
.
.
#کوفه_کهنمویی
#عباسیه_شهادت
#باشون_جداده_گورمورم_قارداش_ابوالفضل
#ترکی
.
✍️ #زبدةالاشعار ✍️
.
🆔: @nohe_torki
نظر دهید