زبانحال حضرت زهرا (س)
..
..
#سبک_دولدوروب_جهانی …
..
..
رضوی زنجانی
..
..
باشیم اوسته تز گل فاطمه ویریر جان
خوش سسیله باشلا ای عم اوغلی قرآن
من باباما مهمانم
دهریده اورک قانم
ای عم اوغلی جانم
ای عم اوغلی جانم
..
..
اولموشام سنیله دوقوز ایلدی مأنوس
آیرلیق زمانی گلدی چاتدی افسوس
قلبیمی ایدیبلر بو جهاندا مأیوس
فاطمه اولوبدور روز شب پریشان
سن وصى طاهاسن
هم عزیز زهراسن
ای عم اوغلی جانم
ای عم اوغلی جانم
..
..
یوخدی بو جهاندا دردیمین دواسی
آغلاما غمیمده گوزلرین فداس
قان ویریر عم اوغلى سینمین یاراسی
فاطمه گیدور گل مصطفایه مهمان
افتخار دنیاسن
یثرب ایچره تنهاسن
ای عم اوغلی جانم
ای عم اوغلی جانم
..
..
کنز حقه سنسن بیر بهالی گوهر
حقین آلدیلار ای پادشاه محشر
اوز قاپیندا گول تک محسن اولدی پرپر
نه گل آچدی غنچم اولدی بیر نه خندان
محسنیم دل آچمادی
دوشدی دللره آدی
ای عم اوغلی جانم
ای عم اوغلی جانم
..
..
قانه گوز یاشیوی سن بو غمده قاتما
یاتمینجا زینب ای عم اوغلى یاتما
غسلمی ویرنده کوینگیم چخاتما
قوی بو سرّی قالسون بو جهاندا پنهان
صرصر اسدی گلزاره
واردی سینه ده یاره
ای عم اوغلی جانم
ای عم اوغلی جانم
..
..
اوندا که تهاجم اولدی بو قاپوندا
گل مثالی زهرا سولدی بو قاپوندا
فضّه دن سوروش گور نؤلدی بو قاپوندا
کفرین اهلی ظلمین ایلدی نمایان
باخ دریله دیواره
قان یاخلدی مسماره
ای عم اوغلی جانم
ای عم اوغلی جانم
..
..
فاطمه جواندی قامتی کماندی
درگیهم جهاندا ظلم اودیلا یاندی
فاطمه او گونده قانینه بویاندی
محسن عزیزیم اولدی قانه غلطان
سقط اولوب بالام محسن
اول گلی دریب گلچین
ای عم اوغلی جانم
ای عم اوغلی جانم
..
..
سینه ده بو غملر جوش ایدیب دمادم
قلبیمه دگیبدور تیر غصّه و غم
اول یانان قاپوندان آسلا قاره پرچم
باشلانور بو گوندن وای عم اوغلی هجران
قدیم اولدی خم مولا
عمریم اولدی کم مولا
ای عم اوغلی جانم
ای عم اوغلی جانم
..
..
..
خاتم رسالت ایلینده رحلت
تاپشوروب منى بو امّته امانت
بو وفاسیز امّت ایتدیلر جسارت
جبرئیل اؤپن دَر اولدی نیمه سوزان
سینمی دلیب مسمار
اولموشام ئوزوم بیمار
ای عم اوغلی جانم
ای عم اوغلی جانم
..
..
..
اسدی باد صرصر صولدی باغ و گلشن
ئولّم اى عم اوغلی ایلدیم یقین من
دفن ایدنده گیتمه تز عم اوغلی جان سن
قبریم اوسته اگلش ای عم اوغلی بیرآن
قورخورام عم اوغلی جان
اوردا سن اوخی قرآن
ای عم اوغلی جانم
ای عم اوغلی جانم
..
..
#فاطمیه #رضوی_زنجانی #فاطمیه_شهادت #ترکی #زبدةالاشعار
نظر دهید