باشیم اوستونه سایه سالماقا سن آنا بو ماوایه گلموسن #دیر_راهب_محمدرضاصادقی

زبانحال حضرت سیدالشهدا علیه السلام به حضرت فاطمه زهرا سلام الله علیها
.
زبدة الاشعار
.
?: @nohe_torki
.
محمدرضا صادقی
.
.
باشیم اوستونه سایه سالماقا
سن آنا بو ماوایه گلموسن
گوز یاشیله لطف ایلیوب منه
گورماقا کلیسایه گلموسن
.
.
سن گلنده گلدی حضوریوه
مریمیله سارا بو دیریده
منت اولماسون گورممیشدیلر
بو مقامی عمرونده سیریده
چوخ منه محبت ائدوبدولر
شرکت ایلیوبلر بو خیریده
خوش گلوب اولار، سنده لطف ائدوب
معبد مسیحایه گلموسن
.
.
کربلاده دشمنلریم آنا
جسمیدن سالوب آیری باشیمی
شمر ظالم آخر توکو ب منیم
گوزدکی اولان قانلی یاشیمی
نیزیه ووراندا بو باشیمی
قورخودوبدولار ال هاشمی
وئرماقا تسلی عیالیمه
سن بو دیر ترسایه گلموسن
.
.
آیری حالیلن اهل بیتیمی
کربلاده دیندیردیلر آنا
تازیانه الده وورا وورا
ناقه اوسته میندیردیلر آنا
مجلس زیاده آپارماقا
کوفه ایچره یئندیردیلر آنا
ناقه ده سینوب زینبون باشی
سن عجب مداوایه گلموسن
.
.
ظلم ائدن عیال پیمبره
سن بولورسن آل امیه دی
آغلیانلاریم ایمدی حالیمه
زینب و رباب و سُمیّه دی
باخ آنا او قیز کی باخور منه
حالیمه یانورچوخ رقیه دی
یاخشی وقتیده دادینه یتوب
سن آنا تسلایه گلموسن
.
.
چون یارالیسان دورما دیریده
منده انتظارم مسافرم
صبح اولونجا باش سیز عیالیمه
بوردا غمگسارم مسافرم
قورتولوب گجه اولسا گوندوزوم
شامه رهسپارم مسافرم
باشیمی اوجاتدی بو گلماقون
دیره اولدی سرمایه گلموسن
.
.
دیلده « صادقی » یاحسین دییر
یادینه دوشنده بو ماجرا
گر چه چوخ یوزی قاره دور ولی
درگه حسینه اولوب گدا
لطف ائله بقیع گوگلی ایستوری
بیرده کی اولوب وردی کربلا
بیرده حشریده کسمه لطفیوی
تا کی بولسون عقبایه گلموسن
.
.
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
.
#دیر_راهب
#باشیم_اوستونه_سایه_سالماقا
#محمدرضاصادقی
#ترکی
.
#زبدةالاشعار
.
?: @nohe_torki