باغریم اولوبدور کوفه ده آلقان عم اوغلی #مسلمیه_تابع_تبریزی

شهادت حضرت مسلم ابن عقیل (ع )
..
..
سبک ها #سبک_یا_فاطمه_من_عقده_دل_وا_نکردم
#سبک_ای_درد_بی_درمانلارا …
و با اضافه کردن واگیر :
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
مرحوم تابع تبریزی
..
..
..
باغریم اولوبدور کوفه ده آلقان عم اوغلی
سیندی ازل گون ثبت اولان پیمان عم اوغلی
…
…
گلمه بو شهره یا حسین دوشمه بلایه
عهدینده وار کوفیلرین نقصان عم اوغلی
..
..
..
ازّلده رأفتله منه ایلوبله بیعت
تیز سیندیروب اؤز بیعتین اهل ظلالت
اقدام ایدوبلر قتلیمه مین لر جماعت
وار قتلیمون اجراسینه فرمان عم اوغلی
..
..
..
دوشدوم یارالی آهو تک دام بلایه
اولدوم نشان مینلرجه تیر ابتلایه
یوخ بیر نفر یا سیّدی گلسون هرایه
یوخدور بواهل کوفده ایمان عم اوغلی
..
..
..
من بیر نفر یالقوز اؤزوم ایلدن اوزاقم
سوز شرار جنگیدن تشنه دوداقم
رحم ایتموری بو کوفیان آخر قوناقم
سو تک منه قان ایچدیرور عدوان عم اوغلی
..
..
..
ای چاره سیزلر چاره سی یوخ منده چاره
جسمیمده کاری یاره لر گلمز شماره
گلمه اماندور یا حسین سن بو دیاره
اولما منیم تک قانیوه غلطان عم اوغلى
..
..
..
ایتمه حجازین ترکینی گلمه عراقه
اوز ایل قبیلندن آقا دوشمه اوزاقه
خنجر چکور بو کوفیان روی قوناقه
گلمه اماندور کوفیه مهمان عم اوغلی
..
..
..
ای عالمینون هر ایکی دنیا پناهی
گلسن بو شهره ئولدورر کوفه سپاهی
عرشه چیخار آل اللهین فریاد و آهی
بلبل تک ایلر قیزلارون افغان عم اوغلی
..
..
..
بواهل کوفه با حسین چوخ بی و فادور
باشدان ایاقه حیله و مکر و ریا دور
گلمه بو شهره گلماقون چوخ ناروادور
گلسن اولار گل پیکرون شانشان عم اوغلی
..
..
..
باخما یازوبلار نامه چوخ اهل ضلالت
گلسن سنه بو کوفیان ایلر جسارت
اقدام ایدللر قتلیوه ایتمزله بیعت
پیمان شکن دور کوفیان هر آن عم اوغلی
..
..
..
اولموب قصوریم امریوه ای شاه والا
هر امریوه نکته به نکته ایتدیم اجرا
تا وار رمق جسمیمده قیلّام دینی احیا
خدمتده اولماز ذرّه جه نقصان عم اوغلی
..
..
..
بو کوفیه گیرم سنی مهمان یازوبلار
مکریله چوخ نامه سنه عدوان یازوبلار
معناده اما قتلیوه فرمان یازوبلار
ایلر جسارت فرقۀ دونان عم اوغلی
..
..
..
ترک مدینه ایلمه ای شاه دوران
بو کوفیه گلماقدا چوخ اولما شتابان
قويمازلا راحت زینبی بو قوم عدوان
ایلر اذیت هر زمان دونان عم اوغلی
..
..
..
بو تابع دین ایلیوب بیر بیله نیت
يازسون منه نامه ایدم بورجون کرامت
سنده عم اوغلی گل بونا ایله کرامت
هر مشگلی اولسون اونون آسان عم اوغلى
..
..
..
#مسلمیه_تابع_تبریزی #ترکی #زبدةالاشعار