زبانحال حضرت مسلم (ع)
.
.
✍️ #زبدةالاشعار ✍️
🆔: @nohe_torki
.
#سبک_ساخلا_ناقه_می_کاروانیدن … 8 سبک
.
مرحوم حافظی تبریزی
.
.
گلمه یاحسین شهر کوفیه
یوخ وفاسی بو اهل کوفه نون
مسلمه یتیشدی بو کوفه ده
هر جفاسی بو اهل کوفه نون
.
ای عم اوغلی بو کوفیان منی
حسرت ایتدی اهل و عیالیمه
سالدیلار ایاقدان جفائیله
اولمادی یانان کیمسه حالیمه
بیر نفر هواداریم اولمادی
تا شریک اولیدی ملالیمه
بیر دقیقه قویموب یوزوم گوله
بی حیاسی بو اهل کوفه نون
.
.
جمله سی هجوم آور اولدیلار
من غریب و بی یاور اوستونه
اهل شهر یوز قویدی سربسر
بیر نفر بو بی لشکر اوستونه
طالبان دنیا توکولدولر
نائب شه محشر اوستونه
اولدی توش فوج غم و بلا
رهنماسی بو اهل کوفه نون
.
.
میزبان و مهمانی سیر ایله
میهمان بولوب کوفیان منی
گه توکوبدولر باملردن اود
گاه ایدوبله تیره نشان منی
گه نشان داش ایتدیلر منی
گاه تیغ تیزه نشان منی
جور و ظلمنین یوخدی یاحسین
انتهاسی بو اهل کوفه نون
.
.
مکر ایدوبله مکّارلر منیم
دوشدی سمت گوداله گردشیم
قاچدیلار قباقدان عم اوغلی جان
بیر مقامه منجّر اولوب ایشیم
دولدی قان جفائیله آغزیما
سیندی ظلم الیله نچه دیشیم
گلدی باشیمه شهر کوفه ده
هر بلاسی بو اهل کوفه نون
.
.
قالمیشام نه حاله خدا بولور
بو دیار غربتده یاحسین
یاره دن وجودیم سیزیلدیری
دلده درد فرقتده یاحسین
ناگرانوام جانیوه قسم
بو زمان رحلتده یاحسین
کیم گله او باشه منه گلن
ماجراسی بو اهل کوفه نون
.
.
ایمدی بام دارالاماره ده
جانیمی فدا ایلورم سنه
لیک دلده قالدی بیر آرزو
یوخ یانیمدا بیر آغلیان منه
نسگل اولدی آخر نفسده من
ایلدیم وصایامی دشمنه
عامل وصیّت اولوب منه
اشقیاسی بو اهل کوفه نون
.
.
اهل بیت طاهایه امر ایله
باشه معجر قاره باغلاسون
یثرب ایچره دوتسون عزا منه
سس چکوب فراقیمده آغلاسون
بیرده قویما نازلی خدیجه می
وا ابا دیوب سینه داغلاسون
چون اولوب او مظلومه محنته
مبتلاسی بو اهل کوفه نون
.
.
چک الون او مظلومه باشینه
چونکه یار و یاوردن آیریلوب
مثل بلبل پر شکسته دور
گلشن و گل تردن آیریلوب
حسرت اولدی هم اوز آتاسینه
هم ایکی برادردن آیریلوب
تا وار عمری آغلار قویوب اونی
بی وفاسی بو اهل کوفه نون
.
.
بیرده گر یولی دوشسه کوفیه
ای عم اوغلی آل پیمبرین
قبریم اوسته امر ائت گلوب اولار
آغلاسون بو بی یارو یاورین
ایمدیدن باخوب یانّام آغلارام
حال زارینه آل حیدرین
منتها شقاوت نشان ویرور
ابتداسی بو اهل کوفه نون
.
.
«حافظی» دمادم بو نوحه نی
ورد ایدوب فغان ایله مسلمه
ذکر اولاندا هر دم مصیبتی
گوز یاشون روان ایله مسلمه
روز حشر اولاندا بو مصرعی
الده ارمغان ایله مسلمه
گلمه یا حسین شهر کوفیه
یوخ وفاسی بو اهل کوفه نون
.
.
#گلمه_یاحسین_شهر_کوفیه_یوخ_وفاسی_بو_اهل_کوفه_نون
#ترکی
.
✍️ #زبدةالاشعار ✍️
🆔: @nohe_torki
نظر دهید